ბელგიის ჩემპიონატის სტარტზე ზედიზედ სამი წაგების შემდეგ "გენტმა", როგორც იქნა, გაიმარჯვა - საკუთარ მოედანზე "მეხელენს" 1:0 მოუგო.
მწვრთნელმა ლასლო ბოლონიმ ტრავმამორჩენილი გიორგი ჩაკვეტაძე, რომელიც გუშინ 21 წლის გახდა, ძირითად შემადგენლობაში დააყენა. "ჩაკვეს" პირველი ნახევრის მე-15 წუთზე გოლის გატანა მეკარემ არ დაანება, ცოტა ძლიერი დარტყმა რომ გამოსვლოდა, კიპერი, წესით, უძლური იქნებოდა...
56-ე წუთზე კი ქართველმა ნახევარმცველმა ყვითელი ბარათი მიიღო, რადგან მსაჯმა ჩათვალა, რომ პენალტის მოთხოვნის გამო სიმულაციას ჰქონ
და ადგილი. ბელგიური გამოცემების უმეტესობა აღნიშნავს, რომ ჩაკვეტაძე მცველმა ტიბო პეირემ საჯარიმოში წააქცია და თერთმეტმეტრიანი უნდა დანიშნულიყო. თავად განსაჯეთ...
გიორგი 73-ე წუთზე რომან ბეზუსმა შეცვალა, იქამდე კი მშვენიერი დრიბლინგი აჩვენა, რომლის ბოლოს დაამტვრიეს...
გიორგი ქვილითაია განაცხადში არ იყო.
გამარჯვების გოლი 36-ე წუთზე რომან იარემჩუკის პასით ანდერსონ ნიანგბომ გაიტანა.
"გენტი" 3 ქულით მე-14 ადგილზეა და 11 სექტემბერს გასვლაზე "ეუპენს" დაუპირისპირდება.
ჩაკვეტაძე და ქვილითაია საქართველოს ნაკრების მწვრთნელმა ვლადიმერ ვაისმა ერთა ლიგის ორი უახლოესი მატჩისთვის გამოიძახა.
![alt](/pictures/image50/b60a38dd70043a787e54b60271341b3e.png "ჩაკვეტაძემ 73 წუთი ითამაშა - "გენტმა" პირველად გაიმარჯვა")
ჩაკვეტაძემ "ვილემს" გაუტანა, ქვილითაიამ 82 წუთი ითამაშა [VIDEO]
!["რუსეთის დდშვც... საქართველო ევროპაში" - ჯაბა კანკავა და გიორგი ჩაკვეტაძე თბილისში განვითარებულ ბოლოდროინდელ მოვლენებს ეხმაურებიან [PHOTOS]](/pictures/image7/e693a91eba3d3b8adbb4159be8b075c1.png "\"რუსეთის დდშვც... საქართველო ევროპაში\" - ჯაბა კანკავა და გიორგი ჩაკვეტაძე თბილისში განვითარებულ ბოლოდროინდელ მოვლენებს ეხმაურებიან [PHOTOS]")
![ჩაკვეტაძის "უოტფორდი" 90+9-ე წუთზე გაშვებული გოლით დამარცხდა [VIDEO]](/pictures/image7/39e8957f362857a2ac6244670f9ea7e8.jpg "ჩაკვეტაძის \"უოტფორდი\" 90+9-ე წუთზე გაშვებული გოლით დამარცხდა [VIDEO]")
