საქართველოს ნაკრების ნახევარმცველმა ოთარ კიტეიშვილმა ავსტრიაში, გრაცის "შტურმსა" და "კაფპენბერგერს" შორის გამართულ ამხანაგურ მატჩში მიიღო მონაწილეობა.
ოთარი გრაცელთა ძირითად შემადგენლობაში იყო და პირველი ნახევრის შემდეგ შეცვალეს. ქართველის გუნდმე მეტოქეს 5 უპასუხო გოლი გაუტანა.
შეგახსენებთ, კიტეიშვილი საქართველოს ნაკრებში იყო გამოძახებული, თუმცა მოგვიანებით ცნობილი გახდა, რომ ეროვნულ გუნდს ვერ შეუერთდებოდა. ამის მიზეზად ტრავმა დასახელდა. თუმცა, ცხადია, ტრავმირებული ფეხბურთელი ნაკრების შეხვედრის პარალელურად ვერ ითამაშებს.
აღსანიშნავია ერთი ფაქტი: გრაცის "შტურმს" არ დაუდასტურებია, რომ ოთარ კიტეიშვილს კორონავირუსი ჰქონდა. კლუბში 2 კვირის წინ აღნიშნეს, რომ ერთერთი
ფეხბურთელი ინფიცირებული იყო, თუმცა მისი ვინაობა არ გაამხილეს. თუმცა, ავსტრიულმა გამოცემებმა დაწერეს, რომ ეს მოთამაშე კიტეიშვილი იყო.
თუ სწორედ ოთარი იყო ინფიცირებული, ეს ნიშნავს, რომ ქართველმა ვირუსი უკვე დაამარცხა.
კიტეიშვილი გუნდელებისთვის ავტორიტეტია - ოთარი "შტურმის" ვიცე-კაპიტნად აირჩიეს
![ჩემპიონთა ლიგა. IV ტური: კიტეიშვილის "შტურმის" დასანანი მარცხი "დორტმუნდთან" - "რეალის" და "სიტის" სენსაციური წაგებები [VIDEO]](/pictures/image7/fdb2c62b69f1859b04419590737b7120.jpg "ჩემპიონთა ლიგა. IV ტური: კიტეიშვილის \"შტურმის\" დასანანი მარცხი \"დორტმუნდთან\" - \"რეალის\" და \"სიტის\" სენსაციური წაგებები [VIDEO]")
