კვიპროსის ჩემპიონატის მე-12 ტურში "ანორთოსისმა" საკუთარ მოედანზე 4:2 დაამარცხა "ენოსისი".
ჰეთ-თრიკი თავდამსხმელმა გიორგი ქვილითაიამ შეასრულა. მან მე-12 წუთზე პენალტით გახსნა ანგარიში, 53-ე წუთზე თავად მოიპოვა და ზუსტად შეასრულა თერთმეტმეტრიანი, რის შემდეგაც სტუმრებმა ანგარიში შეამცირეს, თუმცა 73-ე წუთზე გიორგიმ მესამედაც დალაშქრა მეტოქის კარი, 79-ე წუთზე კი შეცვალეს. ამის მერე გუნდებმა გოლები "გაცვალეს" და შეხვედრა 4:2 დასრულდა.
შეუცვლელად ითამაშეს გიორგი ლორიამ და ბუბა დაუშვილმა, ხოლო თორნიკე ოქრიაშვილს მუხლის ტრავმა აქვს.
"ანორთოსისი" 26 ქულით გალიდერდა და 4 დეკემბერს გასვლაზე "დოქსას" დაუპირისპირდება.
ქვილითაიამ ნამატჩევს
განაცხადა, რომ მის გუნდს საუკეთესოდ არ უთამაშია, მაგრამ მთავარი 3 ქულის მოპოვება იყო.
![alt](/pictures/image50/0714b4ff20179ae320df508ad211abff.jpg "ქვილითაიამ ჰეთ-თრიკი შეასრულა - "ანორთოსისი" გალიდერდა [VIDEO]")
თემურ ქეცბაია კვიპროსში თვის საუკეთესო მწვრთნელად დაასახელეს
