ზამთრის შესვენებაზე გასვლის წინ "როტორმა" მიჯრით მეორე გამარჯვება იზეიმა და უკანასკნელ ადგილს თავი დააღწია.
"უფას" საკუთარ მოედანზე 1:0 ძლევის შემდეგ ვოლგოგრადულმა გუნდმა ასევე სახლში ასეთივე ანგარიშით დაამარცხა ტულის "არსენალი", რომლის მცველი გია გრიგალავა სათადარიგო გახლდათ.
გამარჯვების გოლი 81-ე წუთზე თავის მიერვე მოპოვებული პენალტით ბათუმის "დინამოს" ყოფილმა თავდამსხმელმა ჯოვინო ფლამარიონმა გაიტანა.
"მეთოფეთა" საიტი დანანებით აღნიშნავს, რომ შეხვედრის დასასრულს ბურთი საჯარიმოში ხელზე საბა კვირკველიას მოხვდა, მაგრამ მსაჯმა თერთმეტმეტრიანი არ დანიშნა.
კვირკველიამ შეუცვლელად ითამაშა, ნიკოლაი ყიფიანმა - 63-ე წუთამდე, ხოლო ბექა მიქელთაძე სათადარიგო
იყო. "როტორს" დისკვალიფიცირებული ზურიკო დავითაშვილი ვერ დაეხმარა.
"როტორი" 14 ქულით მე-13 ადგილზეა და 28 თებერვალს გასვლაზე "ტამბოვს" დაუპირისპირდება.
![alt](/pictures/image50/244b28213790dcc24d7f057f32fd2e4e.jpg ""ქართულმა როტორმა" ისევ იმარჯვა და აუტსაიდერი აღარაა")
"როტორის" ნანინანატრი გამარჯვება - "უფა" ჩივის, რომ მიქელთაძე მეორე მეკარე იყო [VIDEO]
![დავითაშვილი "სენტ ეტიენიდან" საუკეთესო იყო - "რონის დერბიში" მიქაუტაძის "ლიონმა" გაიმარჯვა [VIDEO]](/pictures/image7/3648f8518e853edeb3f5ff0d4405d123.jpg "დავითაშვილი \"სენტ ეტიენიდან\" საუკეთესო იყო - \"რონის დერბიში\" მიქაუტაძის \"ლიონმა\" გაიმარჯვა [VIDEO]")
![საფრანგეთში დავითაშვილის გოლი ოქტომბერში საუკეთესოდ აღიარეს [VIDEO]](/pictures/image7/f5bc16efcae7a6bb99f709b1d8be1904.jpg "საფრანგეთში დავითაშვილის გოლი ოქტომბერში საუკეთესოდ აღიარეს [VIDEO]")
