csakfoci.hu-ს ინფორმაციით, საქართველოს ნაკრების ნახევარმცველი ნიკა კვეკვესკირი კარიერას უნგრეთის ჩემპიონატის ბინადარ "ჰონვედში" განაგრძობს.
როგორც აღნიშნული წყარო წერს, მხარეებს შეთანხმება უკვე მიღწეული აქვთ, რომელიც უახლოეს პერიოდში გაოფიციალურდება.
როგორც იცით, ჩვენებური ბოლოს ყაზახურ "ტობოლში" ასპარეზობდა, რომელიც ახლახან დატოვა და თავისუფალი აგენტი გახდა.
რაც შეეხება "ჰონვედს", კლუბი 17 ტურის შემდეგ 12-გუნდიან ჩემპიონატში მე-10 ადგილს იკავებს და დარჩენისთვის იბრძვის.
აქვე გეტყვით, რომ უნგრეთის ჩემპიონატში ორი ქართველი ფეხბურთელი - ბუდუ ზივზივაძე და ლაშა დვალი - უკვე ასპარეზობს.
