ევროპა ლიგის პირველ 1/16-ფინალურ მატჩში "ვოლფსბერგერი" ბუდაპეშტში 1:4 დამარცხდა "ტოტენჰემთან".
ავსტრიულ გუნდში შეუცვლელად ითამაშა ლუკა ლოჩოშვილმა, ხოლო გურამ გიორბელიძე 65-ე წუთზე შევიდა შეცვლაზე.
"ტოტენჰემი", რომელსაც ყველა ტურნირზე უკანასკნელი 6 მატჩიდან 5 ჰქონდა წაგებული, მეტოქეს ადვილად გაუსწორდა და მერვედფინალის საგზური პრაქტიკულად გაინაღდა.
გარეთ ბეილმა გოლი გაიტანა და საგოლე პასი გააკეთა. ეს "ტოტენჰემში" დაბრუნების შემდეგ მისი პირველი საგოლე გადაცემაა, გოლი კი - მეხუთე.
XXI საუკუნეში ევროტურნირების პლეი-ოფის პირველ ტაიმში "ტოტენჰემმა" პირველად გაიტანა 3 გოლი.
ამ გუნდების განმეორებითი შეხვედრა ლონდონში 24 თებერვალს გაიმართება, თუმცა, ფაქტობრივად, უკვე ფორმალობაა და ჟოზე მოურინიოს გუნდი შემდეგი ეტაპის საგზურს ნოტარიულად გაიფორმებს.
ბუდაპეშტი. "პუშკაშ არენა"
ვოლფსბერგერი - ტოტენჰემი 1:4
გოლები: 0:1 სონი (13), 0:2 ბეილი (28), 0:3 ლუკას მოურა (34), 1:3 ლინდლი (55, პენ), 1:4 კარლოს ვინისიუსი (88)
![alt](/pictures/image50/faa1a2be4fd49dddcc44f48a02f4c30e.jpg "ქართველების გუნდი მოურინიოს "ტოტენჰემს" ვერ გაუმკლავდა")
ქართველების გუნდი "ტოტენჰემს" ბუდაპეშტში უმასპინძლებს
![ორი ყვითელი ბარათი სამ წუთში - ლოჩოშვილი "მანტოვასთან" მატჩში გააძევეს [VIDEO]](/pictures/image7/22d97152cba3158260b8344de69671b2.jpg "ორი ყვითელი ბარათი სამ წუთში - ლოჩოშვილი \"მანტოვასთან\" მატჩში გააძევეს [VIDEO]")
![გამორჩეული ოდიშიარია და "რიგასის" საპატიო ფრე "ანდერლეხტთან" [VIDEO]](/pictures/image7/3730e9823073b388ae01bf5f8e313092.jpg "გამორჩეული ოდიშიარია და \"რიგასის\" საპატიო ფრე \"ანდერლეხტთან\" [VIDEO]")
