ზამთრის თურქული შეკრებები "რუბინმა" ნაყოფიერად გამოიყენა და განახლებულ რუსეთის პრემიერლიგაზე მოსკოვში "სპარტაკი" 2:0 დაამარცხა, ხოლო გარემარბი ხვიჩა კვარაცხელია, რომელმაც ორივე გოლში მიიღო მონაწილეობა და ფაქტობრივად, "თამაში გააკეთა", "სპორტ-ექსპრესმა" ტურის საუკეთესო ფეხბურთელად აღიარა.
"ხვიჩა კვარაცხელია "სპორტ-ექსპრესის" მკითხველებმა პრემიერლიგის მე-20 ტურის საუკეთესო მოთამაშედ აღიარეს. ქართველი ნახევარმცველის კაშკაშა თამაშმა ბევრზე დიდი შთაბეჭდილება მოახდინა", - წერს გამოცემა.
20 ტურის შემდეგ ყაზანური გუნდი 31 ქულით მე-9 ადგილზეა, ევროტურნირებზე გამსვლელ მე-4 პოზიციას 4 ქულა აშორებს და 8 მარტს ლიდერსა და ქვეყნის ჩემპიონ "ზენიტს" უმასპინძლებს.
ამ მნიშვნელოვანი შეხვედრისთვის
მოსამზადებლად
"რუბინი" თურქეთში გაემგზავრა.
sport-express: საყვარელ "რეალში" გადასასვლელად ხვიჩამ რაც შეიძლება მალე უნდა დატოვოს რუსეთი
