ხვიჩას მამის უწყინარ ნათქვამს სათათბიროს დეპუტატი და თვით კოლოსკოვი გამოეხმაურენ

"რუბინის" ნახევარმცველ ხვიჩა კვარაცხელიას მამის ნათქვამმა, რომ მისი შვილი რუსეთს დატოვებს და კარიერას ევროპაში გააგრძელებს, რუსეთში რატომღაც გაღიზიანება გამოიწვია და „ჩემპიონატთან“ კომენტარი სახელმწიფო სათათბიროს ფიზიკური კულტურის, სპორტის, ტურიზმისა და ახალგაზრდულ საქმეთა კომიტეტის წევრმა, დმიტრი სვიშევმა და ფიფას ყოფილმა ვიცე-პრეზიდენტმა, რუსეთის საფეხბურთო კავშირის საპატიო პრეზიდენტმა ვიაჩესლავ კოლოსკოვმა გააკეთეს.

დმიტრი სვიშევი: „მამის ემოციურ ნათქვამზე რეაგირება საჭირო არ არის. თავად სპორტსმენის ოფიციალურ განცხადებას უნდა დაველოდოთ, მშობლები მთელ ჩვენს ცხოვრებაში მნიშვნელოვანია, თუმცა ყველა სპორტსმენს საკუთარი პოზიცია გააჩნია.

ჩვენ არ შეგვიძლია ზუსტად გავიგოთ, თუ რა იგულისხმა მამამ. შესაძლოა, იმაზე ილაპარაკა, რომ ხვიჩა რუსეთში არ დარჩება და სათამაშოდ იტალიაში ან გერმანიაში წავა. ძალიან დიდი იმედი მაქვს, რომ ეს სიტყვები არ არის დაკავშირებული ჩვენს სახელმწიფოებს შორის რთულ ურთიერთობებზე.

დაველოდოთ მოვლენების განვითარებას. ჯერ სპორტსმენის ოფიციალური განცხადება არ მოგვისმენია. თუ ხვიჩა რუსეთში არ ითამაშებს, ეს იმას ნიშნავს, რომ უკეთესი ვარიანტი გამოუჩნდა. ეს სპორტსმენის არჩევანია“.