ეროვნული ლიგის 21-ე ტურში ბათუმის "დინამომ" თბილისის "დინამო" 2:1 დაამარცხა.
პირველი ტაიმი დაბალ ტემპში მიმდინარეობდა, მომენტები იშვიათად იქმნებოდა და მასპინძლებმა სტუმრების პირველივე შეცდომა გამოიყენეს - კობახიძემ პასი უკან გააკეთა, მარუშიჩი მარგველაშვილს გაექცა და მიმდინარე ტურნირზე მე-9 გოლი გაიტანა. ზღვისპირელებს ანგარიში გათანაბრება შეეძლოთ, მაგრამ მეკარე კვასხვაძემ გატანა ჩაბრაძესა და ფანცულაიას არ დაანება.
მეორე ტაიმში ბათუმელები უპირატესობას ფლობდნენ და თბილისის „დინამოს“ ყოფილმა ფეხბურთელმა აზაროვმა ანგარიში გაათანაბრა. შეცვლაზე შესულ დედაქალაქელთა შემტევ გაგნიძეს შეეძლო თავისი გუნდი კვლავ წინ გაეყვანა, მაგრამ მიზანს ვერ უწია. ამის შემდეგ გეგუჩაძის შეგირდებმა შეუტიეს, გაფრინდაშვილმა ბურთი ძელს გაარტყა, ხოლო „როტორიდან“ დაბრუნებულმა ფლამარიონმა გამარჯვების გოლი გაიტანა.
ამ სეზონში ბათუმის „დინამომ“ თბილისის „დინამოს“ მესამედ სძლია და ლიდერობა დაიბრუნა.
შემდეგი ტური 7 აგვისტოს ჩატარდება: თბილისის „დინამო“ „საბურთალოს“ შეხვდება, ხოლო ბათუმის „დინამო“ „სამტრედიას“ უმასპინძლებს.
თბილისი. „დინამო არენა“
დინამო (თბ) - დინამო (ბთ) 1:2
გოლები: 1:0 მარუშიჩი (17), 1:1 აზაროვი (78), 1:2 ფლამარიონი (90)
დინამო (თბ) (3-4-1-2): კვასხვაძე, ხარაბაძე, მონხილი, ბენიო, ხვადაგიანი (კობოური 58), ქარდავა, პაპავა (კ) (მექვაბიშვილი 78), კუცია (გაგნიძე 67) , მორჩილაძე (სპორკსლედე 67), გაბედავა (რადინი 58), მარუშიჩი
მწვრთნელი: ცხადაძე
დინამო (ბთ) (4-2-3-1): კუპატაძე, აზაროვი, მარგველაშვილი, კობახიძე (კ), ჩაბრაძე, ტეიდი (ნავალოვსკი 83), ზარია (ფლამარიონი 54), ჯიღაური (შინდაგორიძე 75), მამუჩაშვილი (გაფრინდაშვილი 54), ალთუნაშვილი, ფანცულაია (სანოგო 75)
მწვრთნელი: გეგუჩაძე
![alt](/pictures/image50/b4f84a3c884b7f1da433afd0aa650aca.jpg "თამაში შემოუტრიალა, მესამედ სძლია და ლიდერობა დაიბრუნა - ბათუმის "დინამომ" თბილისის "დინამო" დაჯაბნა [VIDEO]")
ბათუმის "დინამო" "შუქურასთან" წაგებას გადაურჩა - თბილისის "დინამომ" იმარჯვა და გალიდერდა [VIDEO]
![ეროვნული ლიგა. XI ტური. "დინამო" (თბ) - "თელავი" [LIVE]](/pictures/image7/33a5d735abd57bf4e305d9ea65909811.jpg "ეროვნული ლიგა. XI ტური. \"დინამო\" (თბ) - \"თელავი\" [LIVE]")
![მეტოქე გუნდის ფეხბურთელებიც კი შოკში ჩავარდნენ - ახალაძის საოცარი გოლი ბათუმის "დინამოსთან" [VIDEO]](/pictures/image7/7e332ca7afe2eb96a9cc4641f944e2f0.jpg "მეტოქე გუნდის ფეხბურთელებიც კი შოკში ჩავარდნენ - ახალაძის საოცარი გოლი ბათუმის \"დინამოსთან\" [VIDEO]")
![ლამაზი გოლები... "სამგურალმა" "დინამო თბილისს" მოუგო, დერბები ფრედ დასრულდა [VIDEO]](/pictures/image7/85f1a83028671db3c85cbeac88707d64.jpg "ლამაზი გოლები... \"სამგურალმა\" \"დინამო თბილისს\" მოუგო, დერბები ფრედ დასრულდა [VIDEO]")
![ეროვნული ლიგა. X ტური. "კოლხეთი" - "დინამო" (ბთ) [LIVE]](/pictures/image7/148bb768a167b56e5d5e61d30e74b260.jpg "ეროვნული ლიგა. X ტური. \"კოლხეთი\" - \"დინამო\" (ბთ) [LIVE]")
