12 აგვისტოს, ევროტურნირების მესამე საკვალიფიკაციო ეტაპის განმეორებით მატჩებში, ქართველების გუნდებმა მიიღეს მონაწილეობა.
ევროპა ლიგა
თემურ ქეცბაიას გაწვრთნილმა "ანორთოსისმა" ლარნაკაში 2:1 სძლია "რაპიდს", მაგრამ რადგან ვენაში 0:3 დამარცხდა, გათამაშებას გამოეთიშა. ფამაგუსტური გუნდის კარს გიორგი ლორია იცავდა.
კონფერენს ლიგა
"რუბინი" პოლონეთში მიღწეული ფრეს შემდეგ სახლში დამატებით დროში 0:1 დამარცხდა პოლონურ "რაკუვთან" და ევროტურნირებს გამოეთიშა. ყაზანურ გუნდში 106-ე წუთამდე ითამაშა ხვიჩა კვარაცხელიამ.
"ჟილინამ" კვლავ დაამარცხა "ტობოლი", ამჯერად გამანადგურებელი ანგარიშით (5:0). კუსტანაური გუნდის განაცხადში არ იყო ელგუჯა ლობჯანიძე.
ტრავმით გამოწვეული ხანგრძლივი პაუზის შემდეგ "გენტში"
გიორგი ჩაკვეტაძემ იასპარეზა - "რიგას FS"-სთან 63-ე წუთზე შევიდა შეცვლაზე, როდესაც ანგარიში 0:0 იყო. მალე ოვუსუმ გამარჯვების გოლი გაიტანა, 1:0 (პირველი მატჩი 2:2 დასრულდა) და ბელგიური გუნდი პლეი-ოფში "რაკუვს" დაუპირისპირდება.
"პაოკმა" დუბლინში 1:2 წაგების შემდეგ სალონიკში 2:0 მოუგო "ბოჰემიანსს". ბერძნული გუნდის განაცხადში არ იყო ნიკა ნინუა.
ტრავმირებული გიორგი ბერიძის "უიპეშტი" კვლავ დამარცხდა "ბაზელთან" - (0:4, 1:2).
დავით ხოჭოლავას "კოპენჰაგენმა" ბულგარეთში მიღწეული ფრის (1:1) მერე "პარკენზე" 4:2 მოუგო პლოვდივის "ლოკომოტივს" და გათამაშების შემდეგ ეტაპზე "სივასპორს" დაუპირისპირდება. დანიურ გუნდში დავით ხოჭოლავამ შეუცვლელად ითამაშა.
![alt](/pictures/image50/f285d29dbb383329e7540a172ec29471.png "ჩაკვეტაძე დაბრუნდა - "გენტი" და ხოჭოლავას "კოპენჰაგენი" პლეი-ოფში გავიდნენ")
შეცვლაზე შესულმა ლორიამ პენალტი მოიგერია - ქართული ლეგიონი ევროტურნირებზე
![ჩაკვეტაძის საგოლე გადაცემა, ბაიოს პოკერი და "უოტფორდის" შესანიშნავი გამარჯვება შეფილდში [VIDEO]](/pictures/image7/8cba2da339929885c5d68cc5183c3bf3.jpg "ჩაკვეტაძის საგოლე გადაცემა, ბაიოს პოკერი და \"უოტფორდის\" შესანიშნავი გამარჯვება შეფილდში [VIDEO]")
![ჩაკვეტაძის "უოტფორდმა" ორი წაგების შემდეგ გაიმარჯვა [VIDEO]](/pictures/image7/cd14f87308870619ad818195b605b3fb.jpg "ჩაკვეტაძის \"უოტფორდმა\" ორი წაგების შემდეგ გაიმარჯვა [VIDEO]")
