ბელგიის ჟუპილერ ლიგაში "გენტის" ტრავმამორჩენილმა ნახევარმცველმა გიორგი ჩაკვეტაძემ უკვე 78 წუთი ითამაშა და საგოლე გადაცემა გააკეთა.
"გენტი" საკუთარ მოედანზე 63-ე წუთამდე 0:1 მარცხდებოდა "სერკლ ბრიუგესთან", შემდეგ ჟულიენ დე სარტმა ანგარიში გაათანაბრა. საგოლე კომბინაციაში ჩაკვეტაძემ მიიღო მონაწილეობა. 73-ე წუთზე კი გიორგის პასით დარკო ლემაჯიჩმა გამარჯვების გოლი გაიტანა. ქართველი 78-ე წუთზე შეცვალეს. მოედნიდან გასვლისას მას ფანებმა ისევ უმღერეს.
ჩაკვეტაძემ ზედიზედ მეორე მატჩი ჩაატარა სასტარტოში და დღეს საგოლე გადაცემის გარდა ყვითელი ბარათი მეტოქე გუნდის ფეხბურთელ ედგარას უტკუსს მიაღებინა და მეკარე ტომას დიდილონმა ორჯერ არ დაანება გოლის გატანა.
შეგახსენებთ, "ანდერლეხტთან" ნამატჩევს (1:1) "გენტის" მწვრთნელმა ჩვენებური შეაქო და თქვა, რომ არ იცოდა მოახერხებდა თუ არა აღდგენას და თამაშს. მოახერხა და თავის გუნდს გამარჯვების მოპოვებაში დაეხმარა.
"გენტი" 11 ქულით მე-11 ადგილზეა და 3 ოქტომბერს სტუმრად "ანტვერპენს" შეხვდება, იქამდე კი 30 სექტემბერს კონფერენს ლიგაზე "ანორთოსისს" უმასპინძლებს.
![alt](/pictures/image50/0ed857c37ff94b9c9008f10320689b0e.jpg "ძველი ჩაკვეტაძე გვიბრუნდება - გიორგის საგოლე პასი და "გენტის" შემოტრიალებული თამაში")
სულ სხვა ჩაკვეტაძე - გიორგიმ მწვრთნელი განაცვიფრა
!["რუსეთის დდშვც... საქართველო ევროპაში" - ჯაბა კანკავა და გიორგი ჩაკვეტაძე თბილისში განვითარებულ ბოლოდროინდელ მოვლენებს ეხმაურებიან [PHOTOS]](/pictures/image7/e693a91eba3d3b8adbb4159be8b075c1.png "\"რუსეთის დდშვც... საქართველო ევროპაში\" - ჯაბა კანკავა და გიორგი ჩაკვეტაძე თბილისში განვითარებულ ბოლოდროინდელ მოვლენებს ეხმაურებიან [PHOTOS]")
კომენტარები წავიკითხე და გთხოვთ ნუ შეადარევთ ჩაკვეს და ხვიჩას.. ნუ გამოიწვევთ ამ შედარებითობას და შესაბამისად დაპირისპირებას. ორივეს თავისი ღირებულება აქვს და მათი შედარება არასწორი იქნება. ჩაკვე და ხვიჩა არიან ფეხბურთელები ვისიც მწამს და მჯერა, ღმერთმა ხელი მოუმართოს ირივეს