ბელგიის ჟუპილერ ლიგის მე-15 ტურში გიორგი მიქაუტაძის "სერენმა" გასვლაზე 3:1 დაამარცხა ლევან შენგელიას "ლეუვენი".
მიუხედავად გავრცელებული ინფორმაციისა, რომ "სერენის" მწვრთნელი ჟორდი კონდომი ტრავმამორჩენილი თავდამსხმელის, გიორგი მიქაუტაძის თამაშს არ გარისკავდა, ქართველი ძირითად შემადგენლობაში დააყენა და მან იმედები არ გაუცრუა.
გიორგიმ მე-20 წუთზე თავისი გუნდი დააწინაურა, 71-ე წუთზე კი მაზიზმა ჩვენებურის პასის შემდეგ დალაშქრა მეტოქის კარი. შეცვლაზე 56-ე წუთზე შესულმა მასპინძელთა შემტევმა ლევან შენგელიამ 73-ე წუთზე მაერტენსს საგოლე გადაცემა გაუკეთა, ხოლო 86-ე წუთზე სტუმართა გუნდის მცველმა კიოტამ საბოლოო ანგარიში დააფიქსირა, რის შემდეგაც
89-ე წუთზე მიქაუტაძე შეცვალეს.
მიქაუტაძემ კლუბში ყველა ტურნირზე ოთხმატჩიანი უგოლო სერია შეწყვიტა, სულ კი ჩემპიონატზე მის ანგარიშზე 6 გოლია და კიდევ 3 თასზე აქვს გატანილი.
"სერენი" 16 ქულით მე-15 ადგილზეა და 27 ნოემბერს "სენტ-ტრუიდენს" უმასპინძლებს, 17 ქულით მე-14 პოზიციაზე მყოფი "ლეუვენი" კი 26 ნოემბერს სტუმრად ლიდერ "უნიონს" დაუპირისპირდება.
მიქაუტაძეს თანაგუნდელი აქებს, "ლეუვენთან" კი ვერ ითამაშებს
![მიქაუტაძე: ჩეხეთში მოსაგებად უნდა წავიდეთ [VIDEO]](/pictures/image7/30b858b07fe112c8d0ba97d45658f578.jpeg "მიქაუტაძე: ჩეხეთში მოსაგებად უნდა წავიდეთ [VIDEO]")
![დავითაშვილი "სენტ ეტიენიდან" საუკეთესო იყო - "რონის დერბიში" მიქაუტაძის "ლიონმა" გაიმარჯვა [VIDEO]](/pictures/image7/3648f8518e853edeb3f5ff0d4405d123.jpg "დავითაშვილი \"სენტ ეტიენიდან\" საუკეთესო იყო - \"რონის დერბიში\" მიქაუტაძის \"ლიონმა\" გაიმარჯვა [VIDEO]")
