გერმანიის თასის ნახევარფინალში გასვლის შემდეგ "ჰამბურგი" მე-2 ბუნდესლიგაზე უნდა გადაერთოს, რათა დაკარგული პოზიციები აღიდგინოს.
დღეს, 25-ე ტურში მე-4 პოზიციაზე მყოფი "დინოზავრები" მე-6 ადგილოსან "ნიურნბერგს" ესტუმრებიან, გიორგი ჩაკვეტაძის გუნდს ამ შეხვედრაში ქულების დაკარგვის უფლება არ აქვს, რადგან მე-3 ადგილთან ჩამორჩენა 3 და მეტი ქულა გახდება, წაგების შემთხვევაში კი დიდი შანსია "შალკემ" და "თვითნ" "ნიურნბერგმა" გადაასწრონ...
"ლიგამ დაამტკიცა, რომ საფრთხე ყველა გუნდისგან მოდის. ვიცით, რომ მოწინააღმდეგეებმა ჩვენთან თამაშში ადაპტაცია გაიარეს და ყოველთვის გამარჯვებაზე ფიქრობენ. რა თქმა უნდა, პატივისცემას გამოვხატავ, თუმცა ჩვენ ჩვენი
შესაფერისი შეხვედრა გვაქვს ჩასატარებელი. მშვენიერი გუნდი გვყავს, ესაა რაც გვაძლიერებს, სხვა დანარჩენი არც ისე მნიშვნელოვანია" - განაცხადა ტიმ უოლტერმა (მწვრთნელმა).
შეგახსენებთ, გერმანიის თასის მეოთხედფინალში "ჰამბურგი" "კარლსრუეს" დაუპირისპირდა, ძირითადი დრო 2:2 დასრულდა, პენალტების სერიაში კი "დინოზავრებმა" 3:2 მოიგეს და გაიმარჯვეს.
სავარაუდოდ, უოლტერი სასტარტო თერთმეტეულის შეცვლას არ აპირებს, ამიტომ დიდი შანსია გიორგი ძირითად თერთმეტეულში ვიხილოთ, თანაც ხსნებულ მეოთხედფინალში ჩვენებურმა თავი პირველი ბუნდესლიგური ასისტით გამოიჩინა, პირველ გერმანულ გოლს კი ჯერ კიდევ ველით.
შეხვედრა თბილისის დროით 23:30 საათზე დაიწყება
მომზადებულია 90min-ის მიხედვით
![alt](/pictures/image50/85ab3b7321c05f56f207eea3321f2386.jpg "მატჩის დღე! "ჩაკვეს" ძირითადში ელიან, "ჰამბურგს" მძიმე შეხვედრა ელის")
ჩაკვეტაძის საგოლე პასი - "ჰამბურგმა" პენალტების სერიაში გაიმარჯვა და ნახევარფინალში გავიდა [VIDEO]
![ჩაკვეტაძის "უოტფორდმა" "დერბის" თამაში შემოუტრიალა და თანალიდერია [VIDEO]](/pictures/image7/21ec10555443be7b936f062ae99d0441.jpg "ჩაკვეტაძის \"უოტფორდმა\" \"დერბის\" თამაში შემოუტრიალა და თანალიდერია [VIDEO]")
![ყველა შეტევის ორგანიზატორი. ჩაკვეტაძის საგოლე პასი - "უოტფორდმა" ისევ მოიგო[VIDEO]](/pictures/image7/ca40af505b5416f562851a6ca00ba4de.jpg "ყველა შეტევის ორგანიზატორი. ჩაკვეტაძის საგოლე პასი - \"უოტფორდმა\" ისევ მოიგო[VIDEO]")
