Geo Team-ის ინფორმაციით, საქართველოს ნაკრების მცველი საბა კვირკველია კარიერას აზერბაიჯანულ "ნეფთჩიში" განაგრძობს. ამავე წყაროს ცნობით, ჩვენებური, ბაქოურ კლუბთან ხელს 2-წლიან კონტრაქტს მოაწერს. Geo Team წერს, რომ არც თბილისისა და არც ბათუმის "დინამოს" საბა კვერკველიასთვის კონტრაქტი არ შეუთავაზებიათ. ქართული გუნდებიდან ინტერესი მხოლოდ ქუთაისის "ტორპედომ" გამოიჩინა.
კვირკველია ბოლოს ეროვნული ლიგის ბინადარ "გაგრაში" თამაშობდა, სადაც 12 შეხვედრა ჩაატარა.
რაც შეეხება "ნეფთჩის", კლუბმა გასულ წელს აზერბაიჯანის პრემიერ ლიგაში მე-2 ადგილი დაიკავა და კონფერენს ლიგაზე იასპარეზებს, სადაც მათი მეტოქე კვიპროსული "არისი" იქნება.
![ეროვნული ლიგა. XXXI ტური. "გაგრა" - "სამტრედია" [LIVE]](/pictures/image7/4b0083628fe670ca04775c10fe11f679.jpg "ეროვნული ლიგა. XXXI ტური. \"გაგრა\" - \"სამტრედია\" [LIVE]")
![ეროვნული ლიგა. XXIX ტური. "დინამო" (ბთ) - "გაგრა" [LIVE]](/pictures/image7/aabaf85099ba61777969b1e7b4aac87d.png "ეროვნული ლიგა. XXIX ტური. \"დინამო\" (ბთ) - \"გაგრა\" [LIVE]")
