"ადანა დემირსპორთან" ნამატჩევს (2:2) "ნაპოლის" მწვრთნელმა ლუჩანო სპალეტიმ თავისი გუნდი და ხვიჩა კვარაცხელია შეაქო.
"ჩემს გუნდს შესანიშნავად ვხედავ, ისე მომწონს, რომ თვალის მოწყვეტა მიჭირს. სავარჯიშო მატჩის კვალობაზე, ნორმალურად ვითამაშეთ, კარში 35-ჯერ დავარტყით. კვარაცხელიამ იცის, როგორ მოეპყრას ბურთს და როგორ მონახოს პარტნიორი. რამდენიმე მომენტში არ გაუმართლა, თორემ გოლს გაიტანდა.
მიუხედავად იმისა, რომ თავის პოზიციაზე არ თამაშობდა, ძერბინი ანგარიშის გათანაბრებაში დაგვეხმარა. ამბროზინოს გამოცდილება აქვს მისაღები, მიხვდა ამ დონეზე რაც ხდება. ოლივეირას ვუთხრით, რომ ფრთხილად ემოქმედა. ოსტიგარდი შესანიშნავად გაისარჯა. კიმის დამატებამ გამახარა", -
ციტირებს სპალეტის il mattino.
გამოცემა აღნიშნავს, რომ მოედანზე ყველაზე საინტერესო ფეხბურთელი ქართველი იყო.
ხვიჩას დიდებული საგოლე პასი - "ნაპოლი" "ადანა დემირსპორს" დაუზავდა [VIDEO]
"კვარაცხელიას მეტი ნახვა მსურს. დღეისათვის ის არის ის ფეხბურთელი, რომელიც ყველაზე მეტად აღმაფრთოვანებს. უბრალოდ იმედი მაქვს, რომ ლიგაში ის იმის ნახევარს მაინც გააკეთებს, რასაც ახლა აკეთებს. ასე არასდროს მიზიდავდა ახალი შენაძენი წლების განმავლობაში. წარმოუდგენელია"