ქართული ფეხბურთი

ლეგიონერები

18:40 18-08-2022

Liverpool.com: კვარაცხელიამ რუსული ლიგის ბორკილებს თავი დააღწია - კლოპისთვის არქეტიპული იქნება

AutoSharing Option Yes No

ხვიჩა კვრაცხელიას "ნაპოლიში" წარმატებულ დებიუტს უკვე ინგლისში გამოეხმაურენ, ჯერ "დეილი მეილმა", ახლა კი Liverpool.com-მა მიუძღვნა წერილი. გამოცემა "ლივერპულს" ურჩევს ყურადღება მიაქციონ ქართველს:

სულ მალე შემდეგი მოჰამედ სალაჰი გამოჩნდება და ჯულიან უორდი (სპორტული დირექტორი) და "ლივერპული" მას უნდა დააკვირდნენ

მაიკლ ედვარდსმა (ყოფილი სპორტული დირექტორი) ფურორი მოახდინა, როდესაც "ლივერპულში" მოჰამედ სალაჰი მოიყვანა და ამ სეზონში ჯულიან უორდმა შეიძლება პოტენციური სატრანსფერო სამიზნე სერია A-ში აღმოაჩინოს. ისევე როგორც თავის დროზე სალაჰი, ხვიჩა კვარაცხელიაც ცდილობს იტალიაში სახელის მოპოვებას. ამ ზაფხულში თავისი დანიშნულების პირველი ადგილი ნეაპოლი

გახდა, სადაც მომხიბლავმა ქართველმა მაშინვე საუცხოოდ დაიწყო ახალი კარიერა.

კვარაცხელიამ რუსეთ-უკრაინის კონფლიქტისას ფიფას წესით ისარგებლა და ბათუმის "დინამოში" გადავიდა, საიდანაც იტალიაში გადაბარგდა. თავი დააღწია რა რუსეთის ლიგის ბორკილებს, სადაც დააბრმავა მეტოქეები, საქართველოში 11 მატჩში 8 გოლი გაიტანა და 2 საგოლე გადაცემა გააკეთა. "ნაპოლიში" კი სადებიუტო შეხვედრაში გოლი და საგოლე გადაცემა მიითვალა.

ფეთქებადი მოთამაშე, რომელსაც შეუძლია მეურვეებს გასცდეს, ბურთის ფლობისას მეტოქეთათვის მოუხელთებელია. ვერონაში დრიბლინგის 10 მცდელობიდან 8 წარმატებული ჰქონდა და მთელი მატჩის განმავლობაში საჯარიმოსთან და და საჯარიმოში (ბურთზე ექვსი შეხებით) სახიფათო მოქმედებით მოწინააღმდეგეს ბევრი პრობლემა შეუქმნა.

შეუძლია ორივე ფლანგზე და ცენტრში იმოქმედოს, ჯერ კიდევ ძალიან ახალგაზრდაა, 21 წლისაა, მაგრამ დრიბლინგი და თამაშის პოზიციური უნარი იურგენ კლოპისთვის არქეტიპულ თავდამსხმელად აქცევს, რომელიც იდეალური ერთობლიობაა ლუის დიასის ერთი-ერთზე თამაშისა და მოჰამედ სალაჰის მოედნის ბოლო მესამედზე გავლენის მოხდენისა".

alt "კვარა" სალაჰის მემკვიდრედ? Liverpool.com-ის ვრცელი სტატია ხვიჩაზე

ტეგები:

ხვიჩა კვარაცხელია

ნაპოლი

ლივერპული

შეაფასეთ სტატია:

მკითხველის კომენტარები / 22 /

თარიღის მიხედვით

მოწონებების მიხედვით

ხვიჩა ლივერპულის სტილია. ნეტა გადავიდეს.
მანამდე კიდევ ბევრი წარმატება ნეაპოლში.

rable

გამოხმაურება

18 აგვისტო 2022 21:19

უკვე ყელში ამოვიდა კვარაცხელიას გაფეტიშება! ესეთი ზღვარს გადასული აჟიოტაჟი კარგს არაფერს მოუტანს ხვიჩას! გვახსოვს ჩაკვეტაძის მიმართაც და იგივე ხვიჩას მიართაც, რა დღეში იყო ხალხი, როცა ორივეს "აქებდნენ და აქებდნენ" (საქებარნი ნამდვილად არიან) მაგრამ ყველაფერს ხომ აქვს საზღვარი? ვაცადოთ ხვიჩას თამაში და ნუ მოვაქცევთ უაზრო წნეხში.

გუგა

გამოხმაურება

18 აგვისტო 2022 20:18

ფეოლა, ისე ამ გაგანია სიცხეში, კაი ჩაციებული წყალი არავის გვაწყენდდა! გუგა.

ფეოლას

19 აგვისტო 2022 17:41

ნუუუ, ეხლა ჩვენ როგორ "ვასწავლით" ინგლისელებს რამეს? ეს ცოტა მონური დამოკიდებულა ხომ არ გაქვთ? რახან უცხოელი წერს, ესეიგი თავი დავუხაროთ?

TFuiss

19 აგვისტო 2022 16:26

დარწმუნებული ვარ, ვინც ჩემს კომენტარს აკრიტიკებთ ის ტიპები იქნებით, რომლებიც ხვიჩას" ქვებს ესროდით", როცა კოვიდი ქონდა ანდა ტრამვა და ვერ ჩამოდიოდა ნაკრების დასახმარებლად და ჩემნაირები კი პირიქით მხარში ვედექით და ვიცავდით უამრავი "ქართველი გიენების" შემოსევებისგან. ისე, რომ მოდით რ? ძმურად, ნუ მასწავლით რა დავწერო და რა არ დავწერო! არანაკლებ მიხარია ხვიჩას წარმატება, მაგრამ არ ვეკუთვნი იმ ფანატების ჯგუფს, რომლებიც ჭკუიდან გადადიან და ზედმეტები მოსდით, გინდ უცხოელი იყოს და მითუმეტეს ქართველი "ორმაგი სტანდარტებით გულშემატკივრები" ( ფეხბურთელს ან გუნდს, თუ არ წაუვა თამაში, ეგრევე გადაუვლით).

წარმატება ხვიჩასს! გუგა.

19 აგვისტო 2022 10:33

ჯერ წაიკითხე წესივრად. ეს უცხოური პრესის თარგმანია. ინგლისელებს ასწავლი ვინ აქონ და ვინ არა

Tfu

19 აგვისტო 2022 00:55

ვის ყელში ამოვიდა? შენსაში? ცივი წყალი დალიე. ჯერ ერთი ევროპული პრესა წერს და არა ქართული, მეორე როდის უნდა დაიწეროს ის რისი დაწერაც ახლა უნდა ხალხს. მასზე მომავალი 15 წელი სადღაც დაიწერება ყოველდღიურად და ეს 15 წელი ზოგიერთებმა უნდა იძახონ რომ გაფეტიშება გვეყოს? მიდი ხვიჩა მიაწექი, მესის, რონალდოს და მათ მსგავსებს ვიღაცეების ნეგატიური ნაბჟუტურები ხელს არ უშლიდა ყოფილიყვნენ ვარსკვლავები, ასევე შენც. ჯანმრთელობას გისურვებ.

ფეოლა

18 აგვისტო 2022 22:53

ხვიჩა წნეხში არ მოექცევა, ის ფეხბურთით კაიფობს. მინდოდა კიდე დამეწერა, მაგრამ ვერა. ერთს ვიტყვი, მიდი ხვიჩა, შენ ხარ ყველა ის ქართველი ვინც ოცნებობდა და თავის ფიქრებში მარადონას ჯობდა. შენ უნდა გახდე ყველაზე მაგარი, გენაცვალე.

100%

18 აგვისტო 2022 22:17

ლივერპულის ოფიციალურმა საიტმა დაწერა ეგ სტატია და ამათმა თარგმნეს, რა შუაშია გაფეტიშება? ლივრპულის ოფიციალურ გვერდზეც დაწერეთ, არც ისეთი მაგარია და ნუ აპიარებთო :) იქ რატომ არ წერთ??
ვინმე ახალი და კარგი რომ გამოჩნდება პრესა ყოველთვის წერს და ყურადღების ცენტრში აქცევს. ეგ აქამდე არ გინახავთ ახლად გამოჩენილ ტალანტებზე? თუ მაინცდამაინც ხვიჩას შექება არ გსიამოვნებთ?
თქვენ გგონიათ კვარაცხელია აქ ზის ამას კითხულობს, თავში აუვარდება ან დაითარსება?
რა მაგარი ვყოფილვარო და ვარჯიშებს მიატოვებს? სპორტალზე ხალხი მაქებს და უკვე მეტი შრომა რაღაში მჭირდებაო??
ცოტა ლოგიკურად იმსჯელეთ რა.
თუ არ გსიამოვნებთ კვარაცხელიაზე ნიუსის წაკითხვა, დაბლოკეთ ეგეთი გვერდები და ვინც გაინტერესებთ იმათზე წაიკითხეთ!
ჩენთვის პირიქით ძალიანაც სასიამოვნოა, რომ ლივერპულის ოფიციალური სიატი კვარას ამხელა სტატიას უძღვნის.
აქამდე აუვარდებოდა თავში არაპროფესიონალი რომ იყოს, დამშვიდდით.
და კიდევ დათარსვების, ჯადოების და ზებუნებრივი ძალების რომ ჯერა ნახევარ საქართველოს იმიტომ ვართ იქ სადაც ვართ.
წარმატებები!!

Winter

18 აგვისტო 2022 21:54