კონფერენს ლიგის პლეი-ოფის პირველ მატჩებში ქართველმა ლეგიონერებმა მიიღეს მონაწილეობა და ბუდუ ზივძივაძემ ისევ გამოიჩინა თავი."სლოვანი" მოსტარში "ზრინსკისთან" 0:1 დამარცხდა. ბრატისლაველთა რიგებში შეუცვლელად ითამაშეს გურამ კაშიამ და ჯაბა კანკავამ, გიორგი ჩაკვეტაძეც ძირითად შემადგენლობაში იყო და 66-ე წუთზე შეცვალეს. 69-ე წუთზე მეორე ყვითელი ბარათი მიიღო და გააძევეს "სლოვანის" შემტევი ტიგრან ბარსეგიანი, 89-ე წუთზე კი ბოსნიელებმა გოლი გაიტანეს.
"ფეჰერვარმა" მოულოდნელად სტუმრად "კიოლნი" 2:1 დაამარცხა, რომელიც მე-20 წუთზე კაცნაკლული დარჩა. სტუმართა გუნდში მწვრთნელმა მიხაელ ბორისმა ტრავმირებული კენან კოდროს ნაცვლად სასტარტოში
ბუდუ ზივზივაძე დააყენა და რა თქმა უნდა, მან გაიტანა - 32-ე წუთზე ანგარიში გაათანაბრა, 85-ეზე ყვითელი ბარათი მიიღო, 90+4-ეზე კი შეცვალეს. ქართველის ანგარიშზე ამ სეზონში 8 შეხვედრაში 7 გოლია. გამარჯვების გოლი მე-40 წუთზე დარდაიმ ბუდუს პასით გაიტანა.
"რაკუვმა" საკუთარ მოედანზე პრაღის "სლავიას" 2:1 სძლია. მასპინძელთა რიგებში შეუცვლელად ითამაშა ვაკო გვილიამ.
"ლეხმა" სახლში" 2:0 სძლია "დუდელანჟს". მასპინძელთა გუნდში 61-ე წუთზე შევიდა შეცვლაზე ნიკა კვეკვესკირი, ხოლო 67-ეზე გიორგი წიტაიშვილი.
"ჟილ ვისენტე" გასვლაზე" 0:4 განადგურდა "ალკმაართან". პორტუგალიელთა რიგებში 61-ე წუთამდე ითამაშა გიორგი აბურჯანიამ.
"შკუპი" სკოპიეში ფრეს (1:1) დასჯერდა "ბალკანისთან". ჩრდილომაკედონიურ გუნდში შეუცვლელად ითამაშა გაგი მარგველაშვილმა.
ჩემპიონთა ლიგის პლეი-ოფის პირველ შეხვედრაში "აპოლონი" საკუთარ მოედანზე "ოლიმპიაკოსს" დაუზავდა - 1:1. კვიპროსული გუნდის განაცხადში არ იყო რევაზ ინჯგია.
საპასუხო შეხვედრები 25 აგვისტოს გაიმართება.
![alt](/pictures/image50/18861f9cb71e09b11867e3577467e661.jpg "ბუდუმ "კიოლნსაც" გაუტანა - "სლოვანი" "ზრინსკისთან" დამარცხდა")
ბუდუ თავისას არ იშლის - დუბლი და 5 გოლი 4 მატჩში [VIDEO]
![ჩაკვეტაძის "უოტფორდმა" "ბარნლისთან" მარცხი განიცადა [VIDEO]](/pictures/image7/59344f6e743315672cc5c042a240cbea.jpeg "ჩაკვეტაძის \"უოტფორდმა\" \"ბარნლისთან\" მარცხი განიცადა [VIDEO]")
![წიტაიშვილის საგოლე გადაცემა - კაცნაკლულმა "გრანადამ" სტუმრად "ეიბართან" ფრეს მიაღწია [VIDEO]](/pictures/image7/9fbd7adffe09d5d471d0d1e5836f7561.png "წიტაიშვილის საგოლე გადაცემა - კაცნაკლულმა \"გრანადამ\" სტუმრად \"ეიბართან\" ფრეს მიაღწია [VIDEO]")
![ზივზივაძემ გოლით და საგოლე გადაცემით "კარლსრუეს" გამარჯვება მოაპოვებინა და გაალიდერა [VIDEO]](/pictures/image7/b1d112e27d8d01286f091d7008e598ca.jpg "ზივზივაძემ გოლით და საგოლე გადაცემით \"კარლსრუეს\" გამარჯვება მოაპოვებინა და გაალიდერა [VIDEO]")
![გაატანინა, თავადაც გაიტანა - ზივზივაძე შეუჩერებელია [VIDEO]](/pictures/image7/0d40e884f8f6c1a595e25c4c4b7e377b.png "გაატანინა, თავადაც გაიტანა - ზივზივაძე შეუჩერებელია [VIDEO]")
