ზურიკო დავითაშვილმა საფრანგეთში ისევ გამოიჩინა თავი.
საფრანგეთის ლიგა 2-ის მე-10 ტურში „ბორდომ“ გასვლაზე „ლავალი“ 2:1 დაამარცხა.
სტუმართა გუნდის ნახევარმცველმა დავითაშვილმა წინა ტურში, სადებიუტო მატჩში, გამარჯვების გოლი გაიტანა, ამჯერად კი საგოლე გადაცემა გააკეთა. როდესაც ანგარიში 1:1 იყო, ის კონტრშეტევისას საჯარიმოში მარცხნიდან შეიჭრა, ფინტებით მარჯვნივ შეიწია და ჰონდურასელ თავდამსხმელ ალბერტ ელისს ქუსლით საგოლე პასი გაუკეთა. ზურიკო 82-ე წუთზე შეცვალეს, ჟირონდელებმა კი კვლავ გაიმარჯვეს.
„ბორდო“ 20 ქულით ლიდერია და 8 ოქტომბერს „მეცს“ უმასპინძლებს, რომლის ღირსებასაც საქართველოს ნაკრების ფორვარდი გიორგი მიქაუტაძე იცავს.
ლავალი. „ფრანსის ლე ბასერი“
ლავალი - ბორდო 1:2
გოლები: 0:1 მაჯა (5), 1:1 მაჯიოტი (56), 1:2 ელისი (69)
ზურიკომ დიაგონალურად მთელი საჟარიმო და დაცვა "გადახნა" და მერე გააკეთა ქუსლით პასი - რა ვერ დაინახეთ?
ზურას ერთ ნაკლს ვამჩნევ: ფეხის ტერფებზე მყარად ვერა დგას, თითის წვერებით დარბის "ქართულის" მოცეკვავესავით, ამიტომ ხშირად ეცემა.
გაუსწოროს ვინმე სპეციალისტმა სანამ ახალგაზრდაა კარგი იქნება!
ეს ერთი და სხვა მრავალი!
რაც ტელევიზიაში აჩვენეს,ბორდოს კარში გაუქმებული გოლი,მეც მომეჩვენა,რომ თამაშგარე არ იყო,თუმცა შესაძლოა სხვა მიზეზით გააუქმეს.არ ვიცი.