იტალიური Il Messaggero წერს, რომ ხვიჩა კვარაცხელია სერია A-ში თურმე ჯერ კიდევ 2019 წელს შეიძლებოდა გადაბარგებულიყო. აღნიშნული წყაროს ცნობით, მაურიციო სარის (იმ დროს "იუვენტუსს" წვრთნიდა) მაშინ "რუსთავის" საკუთრება კვარაცხელია შეუმჩნევია და სასწრაფოდ მისი გადაყვანა მოსურვებია, თუმცა ეს ამბავი არ გამოვიდა, ხვიჩა კი შემდეგ "რუბინში" აღმოჩნდა.
Il Messaggero წერს იმის შესახებაც, რომ სარის "კვარას" წაყვანა ამ ზაფხულსაც სურდა, თუმცა "ლაციოზე" უკეთესი "ნაპოლი" აღმოჩნდა.
აქვე გეტყვით, რომ Football Italia-ს ცნობით, ხვიჩა ტოპ 4 ევროპულ ჩემპიონატში გატანილი ბურთებითა და ასისტებით საუკეთესოთა შორის მეექვსე ადგილზე
ექვსეული ასე გამოიყურება:
ერლინ ჰოლანი - 20 გოლი, 3 ასისტი
ნეიმარი - 11 გოლი, 9 ასისტი
რობერტ ლევანდოვსკი - 14 გოლი, 2 ასისტი
ლიონელ მესი - 8 გოლი, 8 ასისტი
ჯამალ მუსიალა - 7 გოლი, 7 ასისტი
ხვიჩა კვარაცხელია - 7 გოლი, 5 ასისტი.
