იტალიური calciomercato წერს, რომ "სანჩეს პისხუანზე" მყოფი "იუვენტუსის" ემისრები "ვალენსიას" მეკარე გიორგი მამარდაშვილს აკვირდებოდნენ. გამოცემა აღნიშნავს, რომ იტალიაში "ჯორჯიამანია" ხვიჩა კვარაცხელიას მშვენიერი გამოსვლის შემდეგ დაიწყო და ისინი "მამარდას" მენეჯერს, ლევან სეთურიძეს ექსკლუზიურად ესაუბრნენ. სეთურიძე საინტერესოდ მსჯელობს:"ძალიან კმაყოფილი ვარ სეზონის დასაწყისით და ასევე, 2027 წლამდე კონტრაქტის გახანგრძლივებით. დიდი შრომის შემდეგ, ჩემს პარტნიორ სტეფანო კასტანიასთან ერთად, ეს მოვახერხეთ...
გატუზო? მას ძალიან სჯერა გიორგის და სწორედ ამიტომ არის სასტარტო მეკარე. მათ შორის ძალიან კარგი და მეგობრული ურთიერთობაა...
მამარდაშვილს თვალს ბევრი გუნდი ადევნებს.
გიორგის არა მხოლოდ იტალიური, ინგლისური კლუბებიც აკვირდებიან. ახლა ჩვენი მთავარი ორიენტირი "ვალენსიაა" და მან ყველაფერი უნდა გააკეთოს, რომ კიდევ უფრო გაიზარდოს. რაც შეეხება 2023 წლის ზაფხულის სატრანსფერო ბაზარს, ბევრი რამ შეიძლება შეიცვალოს, მაგრამ ამჟამად ის "ღამურების" სასტარტო მეკარეა.
მამარდაშვილი და კვარაცხელია ძალიან ძლიერი მოთამაშეები არიან და აქვთ პოტენციალი, თავიანთი კვალი დატოვონ ფეხბურთის სამყაროში. ვიცით, რამდენად დიდი ყურადღება ექცევა მეკარის თამაშს იტალიაში. განსაკუთრებით იმ გუნდში, რომლის რიგებშიც დინო ძოფისა და ჯანლუიჯი ბუფონის მსგავსი მეკარეები თამაშობდნენ. მისდამი ინტერესი დამატებითი მოტივაციაა. ვფიქრობ, რომ გიორგის, პროგრესისა და პიროვნების გათვალისწინებით, ნებისმიერ დონეზე შეუძლია თამაში. იტალიაში თამაში ნებისმიერი მეკარისთვის გამოწვევაა და ვფიქრობ, მამარდაშვილმა უნდა დატოვოს თავისი კვალი“.
![alt](/pictures/image50/543a3cc05b03b3752e0b6b3d71ee3142.jpg ""ჯორჯიამანია" იტალიაში - მამარდაშვილის მენეჯერი "იუვენტუსის" ინტერესზე საუბრობს")
"ამას პირველად ვაცხადებ" - შესაძლოა, მამარდაშვილის მენეჯერმა ტოპლიგაში კიდევ ერთი ქართველი ათამაშოს
![alt](/pictures/image50/8a4b622ade2aebc114b5d59740121218.jpg ""ჯორჯიამანია" იტალიაში - მამარდაშვილის მენეჯერი "იუვენტუსის" ინტერესზე საუბრობს")
მამარდაშვილი შჩესნის შემცვლელად "იუვენტუსში" - Calciomercato ტურინელთა დაინტერესებაზე და ქართველის შესაძლო ტრანსფერზე იტალიურ გრანდში
