დღეს "ნაპოლი" სტუმრად "რომას" დაუპირისპირდება. მატჩის წინ რომაული გუნდის მწვრთნელმა ჟოზე მოურინიომ ხუმრობით თქვა, რომ ხვიჩა კვარაცხელიას ჩაარტყამს, თუ თამაშისას მის ახლოს ჩაივლის. თუმცა, ხომ გაგიგიათ, ის ხუმრობა შევარცხვინე, რომელშიც სიმართლე არ ურევიაო.
ამაზე Radio Kiss Kiss-ის ეთერში კომენტარი ცნობილმა ნეაპოლელმა ჟურნალისტმა კარლო ალვინომ გააკეთა:
"მოურინიოს რეაქცია იმის შესახებ, როგორ შეაჩეროს კვარაცხელია, მე მძაბავს. სინამდვილეში სტრიქონებს შორის წავიკითხე, რომ ბიჭის შეჩერებას ყველანაირად შეეცდებიან - დასაშვები და არდასაშვები წესებით. "რომას" შესაძლო უხეში თამაშის გამო ძალიან ვშიშობ, უფრო იმიტომ, რომ უკვე რამდენიმე თვეა ვაკვირდები,
მსაჯები როგორ არ აფრთხილებენ ფეხბურთელებს. ხშირად ისინი ამჯობინებენ ბარათი ჯიბეში შეინახონ, ვიდრე წესების დამრღვევს უჩვენონ.
კვარაცხელია მეურვის მოტყუებისკენაა "მიდრეკილი" და სისტემატურად ურტყამენ ფეხებში. არ დავმალავ: ჩემთვის ძალიან საინტერესო იქნება, "ჯალოროსი" როგორ შეეცდება 77 ნომრის შეჩერებას, განსაკუთრებით მოურინიოს ნათქვამის შემდეგ. იმედია, მსაჯი ირატი მაშინვე გამოიყენებს ყვითელ ბარათებს".
"რას ვიზამ ახლოს თუ ჩამივლის? ფეხს დავუდებ" - მოურინიო ხვიჩაზე
![ევროპა ლიგა. 1/4-ფინალი: "ატალანტამ" "ლივერპული" გამოაგდო, "რომამ" მილანი" - "ბაიერი" და "მარსელიც" გავიდნენ [VIDEO]](/pictures/image7/15f2a4560209ca612ad928d55522900c.jpg "ევროპა ლიგა. 1/4-ფინალი: \"ატალანტამ\" \"ლივერპული\" გამოაგდო, \"რომამ\" მილანი\" - \"ბაიერი\" და \"მარსელიც\" გავიდნენ [VIDEO]")
