ჩაკვეტაძე: ვგრძნობ, უფრო და უფრო ვუმატებ - ვაისის მადლობელი ვარ

კონფერენს ლიგაზე "პიუნიკთან" მატჩის წინ კლუბის საიტთან "სლოვანის" ნახევარმცველმა გიორგი ჩაკვეტაძემ ისაუბრა:

"ძალიან მნიშვნელოვანი შეხვედრა გველის. თუ გვინდა ჯგუფიდან გავიდეთ, უნდა გავიმარჯვოთ. ეს ამ თამაშის მნიშვნელობაზე მეტყველებს. სრულად კონცენტრირებულები ვართ და ვემზადებით.

თავს ძალიან კარგად ვგრძნობ, უფრო და უფრო ვუმატებ. მადლობელი ვარ მწვრთნელ ვლადიმირ ვაისის, რომ დამეხმარა და "სლოვანში" შანსი მომცა. მის მხარდაჭერას და ნდობას ვგრძნობ.

თანაგუნდელებს ახლა გაცილებით უკეთ ვიცნობ, ვიდრე 3-4 თვის წინ, როდესაც აქ ჩამოვედი. ერთად ბევრი მატჩი ჩავატარეთ. ყოველდღე ერთად ვვარჯიშობთ და ვიცი, სავარაუდოდ რას გააკეთებენ.

უკვე ვიცი, რისი უფლება შემიძლია საკუთარ თავს მივცე და რას მოიმოქმედებენ პარტნიორები. ასევე ვიცი, რომ ყველაფრის უკეთ გაკეთება შეგვიძლია. ნებისმიერ შემთხვევაში, ურთიერთმოქმედება გაუმჯობესდა.

მთელი გუნდის სახელით შემიძლია ვთქვა, რომ გულშემატკივრების მხარდაჭერას ვაფასებთ და გვჯერა, ხვალ სტადიონს გაავსებენ. გამარჯვება გვსურს და ქომაგობა ძალიან დაგვეხმარება. გავაკეთოთ ეს ერთად".

alt საგოლე პასი მოედნის ცენტრიდან - "ჩაკვეს" მორიგი კარგი მატჩი [VIDEO]