რუსეთის ნაკრების ყოფილმა მწვრთნელმა და ამჟამად უნგრული "ფერენცვაროშის" დამრიგებელმა სტანისლავ ჩერჩესოვმა "ნაპოლისა" და ხვიჩა კვარაცხელიას წლევანდელ სეზონზე თავის მოსაზრება გამოთქვა:"როდესაც "ნაპოლი" ასე ძლიერად თამაშობს და ბრწყინავს, ამ გუნდის თამაშების ხილვა ჩემპიონთა ლიგასა და იტალიის ჩემპიონატში ძალიან სასიამოვნოა.
ისინი კალჩოს დამსახურებულად ლიდერობენ, სპალეტის კი ძალიან ძლიერ სპეციალისტად ვთვლი და მან დაკისრებულ მოვალეობას თავი კარგად გაართვა.
რა თქმა უნდა, კვარაცხელია ბრწყინვალედ გამოიყურება, მაგრამ იქ მარტო არ არის. სპალეტის სამწვრთნელო სტილი "ნაპოლიში" ჩანს და შემიძლია ვთქვა, რომ ლუჩიანოს პროფესიონალური და ადამიანური გამოცდილება
ხვიჩას სერია A-ში გახსნაში ძალიან დაეხმარა", - ამბობს ჩერჩესოვი.
![alt](/pictures/image50/a8ca7568d0d0b0b8033638022fcecd5f.jpg ""კვარაცხელია ბრწყინვალედ გამოიყურება, მაგრამ..." - ჩერჩესოვი ხვიჩაზე, სპალეტიზე და "ნაპოლიზე" საუბრობს")
"შესაძლოა, უსამართლო ვიყო, მაგრამ..." - ბენიტესმა მიმდინარე სეზონში "ნაპოლის" 3 საუკეთესო ფეხბურთელი დაასახელა
