ხვიჩა კვარაცხელიამ დღეს გუნდთან ერთად ვერ ივარჯიშა, თერაპიული კურსი ჩაიტარა, სატრენაჟორო დარბაზში დაიტვირთა და მწვრთნელმა ლუჩანო სპალეტიმ "უდინეზესთან" მატჩისწინა პრესკონფერენციაზე განაცხადა, რომ ქართველი ვერ ითამაშებს და თან ნაწილობრივ აღიარა, რომ ის სხვებთან შედარებით სულ სხვა კლასის ფეხბრთელია:
"ისევე უნდა გავისარჯოთ, როგორც ყოველთვის. მეტოქისთვის სირთულეების შექმნა გვმართებს. ჩვენ მოწინააღმდეგის ნახევარზე თამაში გვიყვარს. ხვალ რთული შეხვედრა გველის, "უდინეზე" ბურთის ართმევისას ბევრ პრობლემას ქმნის.
ვცდილობდით კვარაცხელია მწყობრში ჩაგვეყენებინა, მაგრამ როგორც კი საჭირო სიჩქარესა და კუნთების წნეხს აღწევს, თავს ცუდად გრძნობს. ვწუხვართ, მაგრამ გასულმა
ორმა მატჩმა დაადასტურა, რომ გუნდი ვართ. გვინდა, რაც შეიძლება მალე დაგვიბრუნდეს, თუმცა სხვებსაც ვენდობით, რომლებსაც შესაძლოა, ის დონე არ გააჩნიათ, ვინაიდან "კვარას" ყველა მსოფლიო ფეხბურთის ახალ ვარსკვლავად მიიჩნევს... ისე, სხვებსაც შეუძლიათ გააკეთონ ის, რაც საჭიროა".
ეს "ნაპოლისთვის" წელს ბოლო ოფიციალური მატჩი იქნება, რის შემდეგაც გუნდი იმ ფეხბურთელებით, რომლებიც მსოფლიოს ჩემპიონატზე მონაწილეობას ვერ მიიღებენ, ანტალიაში ორკვირიან შეკრებაზე გაემგზავრება, სადაც სპარინგებს გამართავს, მერე იტალიაში დაბრუნდება და ორ ამხანაგურ შეხვედრას ჩაატარებს - ერთს "დიეგო მარადონაზე, ხოლო 4 იანვარს, სერია A-ს მე-16 ტურში მილანში "ინტერს" დაუპირისპირდება.
![alt](/pictures/image50/051875e1c283f1e558922684f21b3e7b.jpg "სპალეტიმ დაადასტურა, რომ კვარაცხელია "უდინეზესთან" ვერ ითამაშებს")
"კვარა" მესიზე ძვირი გახდა - Transfermarkt-მა ფასები განაახლა
