Gazzetta dello Sport-მა დღეს გაავრცელა ინფორმაცია, რომ ხვიჩა კვარაცხელია "ნაპოლისთან" კონტრაქტს 2028 წლამდე გაახანგრძლივებს. მოგეხსენებათ, 22 დეკემბერს დაიწერა, რომ რამდენიმე დღეში იტალიაში ქართველი ფეხბურთელის აგენტი მამუკა ჯუღელი ჩავიდოდა და მისი კლიენტის ახალ შრომით ხელშეკრულებაზე დაიწყებდა მოლაპარაკებას.
ზემოთ აღნიშნული წყარო აღნიშნავს, რომ "კვარა" "პარტენოპეისთან" ახალი კონტრაქტის გაფორმების ზღვარზეა და თითქმის ყველაფერი გადაწყვეტილია.
შეგახსენებთ, რომ კვარაცხელიას "ნაპოლი" სერია A-ს 4 იანვარს "ინტერთან" საგარეო მატჩით განაახლებს.
