"მათი დუეტი მარადონას და კარეკას მსგავსია" - ცნობილი იტალიური გამოცემა "კვარასა" და ოსიმენზე წერს

გუშინ, 13 იანვარს სერია A-ს მე-18 ტურის ცენტრალურ მატჩში "ნაპოლიმ" იუვენტუსს" უმასპინძლა და 5:1 დაამარცხა.

"პარტენოპეის" შემტევი დუეტი ალეგრის გუნდის წინააღმდეგ მრისხანედ გამოიყურებოდა, ხვიჩა კვარაცხელიამ გოლი და 2 საგოლე პასი მიითვალა, ვიქტორ ოსიმენმა კი შეხვედრაში დუბლი შეასრულა.

ცნობილი იტალიური გამოცემა La Gazzetta dello Sport-ი სწორედ ქართველისა და ნიგერიელის შესახებ წერს და მათი დუეტი ლეგენდარულ დიეგო მარადონასა და კარეკას შეადარეს. 

"ნაპოლიში" 80-იან წლებში დიეგო მარადონა, ბრაზილიელი კარეკა და იტალიელი ბრუნო ჯორდანო ლეგენდარულ ტრიოს ქმნიდნენ. თითოეული მათგანის პირველი ორი ასოდან კი ზედმეტსახელი MA-GI-CA (მაგიური) შეიქმნა.

"კვარაცხელიას შესანიშნავი მატჩი ჰქონდა, ქართველმა რამდენიმე ბრწყინვალე დრიბლინგი განახორციელა, მან გოლი და 2 საგოლე პასი მიითვალა ოსიმენმა კი დუბლი შეასრულა და "კვარას" გაატანინა. მათი დუეტი მარადონასა და კარეკას წყვილს წააგავს. "ნაპოლი" ოცნების ასრულებასთან ასე ახლოს არასდროს ყოფილა, არამხოლოდ 10 ქულიანი უპირატესობის გამო, სპალეტის უძლიერესი გუნდი ჰყავს" - წერს გამოცემა.

"ნაპოლი“ 47 ქულით ლიდერია და "იუვე" 10 ქულით ჩამოიტოვა. ნეაპოლური გუნდი შემდეგ მატჩს სახლში თასზე 18 იანვარს "კრემონეზესთან" ჩაატარებს, ხოლო 21 იანვარს ჩემპიონატზე გასვლაზე "სალერნიტანას“ დაუპირისპირდება.

"მის წინააღმდეგ ვერაფერი გავაწყვეთ" - ალეგრი "ნაპოლისთან" მატჩის შემდეგ

სპალეტი: კვარაცხელიას მსოფლიოს კლასის ტექნიკა აქვს - ოსიმენი ყველაზე ძლიერია

კვარაცხელია საოცარი შეფასებებით მატჩის საუკეთესო ფეხბურთელი გახდა

ფანტასტიკური ხვიჩას გოლი და ორი საგოლე პასი - "ნაპოლიმ" "იუვენტუსს" ფეხბურთის გაკვეთილი ჩაუტარა [VIDEO]