13 იანვარს ხვიჩა კვარაცხელიას "ნაპოლიმ" "სალერნიტანას" მძიმე ბრძოლაში (2:1) აჯობა. ქართველ გარემარბს გატანა ორჯერ შეეძლო - ერთხელ საგოლე შანსი დიდოსტატური თამაშის შემდეგ შეექმნა, პაუზაც დროული იყო, თუმცა... ნეაპოლელები ახლა ქვეყნის სუპერთასისთვის იბრძოლებენ, სადაც ერთ შეხვედრას ჩაატარებენ თუ ორს, მალე გაირკვევა. ამის შემდეგ "ლაციოსთან" დაპირისპირებაა, რომელსაც "კვარა" დისკვალიფიკაციის გამო გამოტოვებს...ზუსტად ერთი წლის წინ, 2023 წლის 13 იანვრის საღამოს, ხვიჩა კვარაცხელიამ "იუვენტუსთან" გაიბრწყინა. მომავალმა ჩემპიონებმა დიდი ანგარიშით (5:1) გაიმარჯვეს. 77-ე ნომერმა გაიტანა, ორი "ასისტიც" შეასრულა და მონაწილეობა, ფაქტობრივად, ყველა გოლში მიიღო.
"ნაპოლი"-"იუვენტუსის" (5:1) შეხვედრა და ხვიჩა კვარაცხელიას ბრწყინვალება თავიდან არ ამოგვდის. ჩვენი მატჩისწინა მიმოხილვებიდან აშკარად იგრძნობოდა, რომ "იუვენტუსთან" ქართველი გარემარბის დასამახსოვრებელ მატჩს ველოდით. მოლოდინები სრულად გამართლდა. "კვარადონა" ყველაფერს აკეთებდა, რათა ტრავმამდე არსებულ სათამაშო ფორმას დაბრუნებოდა და მიზანსაც მიაღწია.
მატჩი
მასიმილიანო ალეგრის გუნდს ამ შეხვედრამდე კარგი სერია კი ჰქონდა, თუმცა "იუვენტუსს", გარკვეულწილად, მაინც უმართლებდა, რითაც ქულების დაკარგვას თავიდან იცილებდა. "ბებერი ქალბატონი" ეცადა, ნეაპოლელების წინააღმდეგ "ინტერის" სტილში ეთამაშა, მეტოქისთვის სივრცეები მაქსიმალურად შეეზღუდა და შემდეგ, როცა საკუთარი შანსები ექნებოდა, მის გამოყენებაზე ეფიქრა. ისინი ხომ "ნაპოლიზე" პრაგმატულები არიან და შედეგის მიღწევაც იციან. ამის მიუხედავად, ლუჩანო სპალეტის ფეხბურთელებმა თავისუფალი ზონების მოძებნა მაინც მოახერხეს და მოწინააღმდეგეს საწყის 45 წუთში ორი გოლი გაუტანეს.
![Sportall.Ge](/pictures/artimages/original/2a469d78b81c71044d3edae63905dc3e.jpg "ხვიჩა ასე ნეაპოლის "ახალი მარადონა" გახდება - რა გველის სეზონის ბოლომდე და ზაფხულში?")
შესვენების შემდეგ ტურინელებმა ერთბურთიანი ჩამორჩენის აღმოსაფხვრელად გაიწიეს, თითქოს თამაში იგრძნეს და ყველაფერი ეს საბედისწერო გამოდგა - "ნაპოლის" სწრაფი შეტევების შეჩერება შეუძლებელი ხდებოდა, რაც ანგარიშშიც აისახა.
სპალეტის გამოცდილება
"ნაპოლის" დამრიგებელმა აქცენტი ნდობაზე გააკეთა და პრინციპულ მატჩში იმ შემადგენლობას დაეყრდნო, რომელიც ოპტიმალურად მიიჩნევა, მიუხედავად იმისა, რომ შესვენების შემდეგ რამდენიმე მათგანი ჩვეულ ფორმაში არ იმყოფებოდა. ამ ფაქტორმა შედეგი მოიტანა. მრავალნაცად სპეციალისტს გუნდში სიტუაცია იდეალურად აქვს დალაგებული. ეს კარგად იგრძნობა და იქნებ წარმატების ერთ-ერთი მთავარი გასაღებიც სწორედ ესაა. ლუჩანოს საკუთარი გამოცდილებაც უმაგრებს ზურგს, გასულ სეზონში ჩემპიონობის ფავორიტობის გზაზე ხელი მოეცარა და ზოგადად, "ნაპოლისთვის" მწარე წარსული უცხო არაა - ორი სკუდეტო მოიპოვეს, თუმცა მასთან ახლოს რამდენჯერმე იყვნენ. ახლა სიტუაცია უნდა შეიცვალოს!..
![Sportall.Ge](/pictures/artimages/original/9153b36818edc4eb1896db7f38c3f549.jpg "ხვიჩა ასე ნეაპოლის "ახალი მარადონა" გახდება - რა გველის სეზონის ბოლომდე და ზაფხულში?")
კვარაცხელიას სიახლეები
რაც შეეხება წმინდა სათამაშო ასპექტებს, არაერთხელ დაგვიწერია, რომ სტანდარტული მდგომარეობის დროს ჩვენებურის მეტად ჩართულობას ვისურვებდით და კუთხურებისას ასეც ვნახეთ. კვარაცხელიამ ეს საქმეც მშვენივრად შეასრულა და მაინც გაუგებარი რჩება, მანამდე ყველაზე ხშირად მას ე.წ. გადმოვარდნილ ბურთებზე რატომ ვხედავდით?! "იუვენტუსის" წინააღმდეგ ძალიან თამამი და თავდაჯერებული ხვიჩა ვიხილეთ, რომელმაც ქუსლით პასი რამდენჯერმე შემოგვთავაზა და არცერთი ეს პუბლიკაზე მიმართული არ ყოფილა - ჩვენებურს ასე თამაში შეუძლია და პროდუქტიულიცაა. ხვიჩა ძალიან კარგად მოძრაობდა, რაც მეტოქეებს აბნევდა და სივრცეებიც მეტად ჩნდებოდა.
რა იქნება ზაფხულში?
ქართულ-ნიგერიული დუეტი უკვე ძალიან მძლავრი, შეთამაშებული და შედეგიანია. ხვიჩა კვარაცხელიასა და ვიქტორ ოსიმენის ცქერა ერთი სიამოვნებაა. ჩვენ ახლა მხოლოდ "ნაპოლიზე" ვფიქრობთ და ვიცით, ხვიჩაც ასეა - ჩვენებური იდეალურ დროს იდეალურ გუნდში გადავიდა და კლუბისთვის ასე მონატრებული სკუდეტოც ახლოსაა.
![Sportall.Ge](/pictures/artimages/original/e426e06720bb809b63a06061dae091c9.jpg "ხვიჩა ასე ნეაპოლის "ახალი მარადონა" გახდება - რა გველის სეზონის ბოლომდე და ზაფხულში?")
ამავდროულად, თანამედროვე ფეხბურთი ისეთია, ყოველი ფანჯრის დროს მიდის ტრანსფერებზე მსჯელობა, ჭორ-მართალი. შესაბამისად, იოლი წარმოსადგენია, მომავალ ზაფხულს ნეაპოლელებს რა შეთავაზებების განხილვა მოუწევთ, განსაკუთრებით, ამ ორი შემტევის მიმართ. ედინსონ კავანისა თუ კალიდუ კულიბალის ისტორია იმაზე მიგვანიშნებს, რომ აურელიო დე ლაურენტისმა იცის, როგორ "მოარტყას ათიანში" ტრანსფერები, ჯერ გუნდისთვის ფასეული ფეხბურთელი საკმაოდ იაფად შეიძინოს და შემდეგ მასში დიდი სატრანსფერო ფასი იდეალურ დროს გადაუხადონ. პრეზიდენტს ახლაც დიდი ცდუნება ექნება, ისევე, როგორც მოთამაშეებს. ამაში ისევე ვართ დარწმუნებული, როგორც იმაში ვიყავით, რომ "კვარა" "იუვეს" გაუტანდა. შეუძლებელია, ამ ფორმაციის "ნაპოლი" იოლად გაქრეს რადარებიდან, ამას არავინ დაუშვებს, თუმცა სატრანსფერო თემაზე ბევრ მსჯელობას ვნახავთ.
![Sportall.Ge](/pictures/artimages/original/1ea0249d84f9472acd3f52caa088bb7a.jpg "ხვიჩა ასე ნეაპოლის "ახალი მარადონა" გახდება - რა გველის სეზონის ბოლომდე და ზაფხულში?")
და ზაფხულამდე...
ძალიან სასიამოვნოა ის გარემო, რაც ნეაპოლში როგორც სტადიონზე, ისე მის გარეთ იგრძნობა, თუმცა ეს ჯერ მხოლოდ პროლოგია. თითოეული გამარჯვება "ნაპოლის" ნანატრ სკუდეტოსთან აახლოებს და მისი ფასი კიდევ უფრო დიდია. ხოლო რა იქნება მაშინ, თუკი 4 ივნისს, იტალიის ჩემპიონატის დასრულების შემდეგ, ოცნება რეალობად იქცევა? ხვიჩა კვარაცხელია ერთ-ერთი მთავარი კაცი იქნება, რომელიც ნეაპოლელებს არასოდეს დაავიწყდებათ და გააკერპებენ კიდეც. ეს ფეხბურთს ცოტათი უხდება. ამ ქალაქში დიეგო მარადონა ყველაზე დიდი იმიტომ არაა, რომ ის "ფეხბურთის ღმერთად" წოდებულია. უპირველესად, აქაურები იმას არ ივიწყებენ, რომ დიადი არგენტინელის დროს დიდი და მძლავრი გუნდი ჰყავდათ და იტალიურ ელიტაში მყარად დამკვიდრებას სწორედ მას მიაწერენ. თუკი სპალეტის გუნდი ოქროს მედალს მოიპოვებს, "ნაპოლის" "ახალი მარადონა" ხვიჩა კვარაცხელია თუ ვიქტორ ოსიმენი იქნებიან. ის კარგად მოგეხსენებათ, რომ ასეთ დროს შესაძლოა, სათანადოდ მაინც არ ფასდება ისეთი ფეხბურთელების გარჯა, როგორიც თუნდაც სტანისლავ ლობოტკაა, გუნდის ღერძი.
წინ დიდი ამბები გველის, ნეაპოლიდან თბილისამდე!..
![alt](/pictures/image50/386981ed942997e2b7acc14cf333106a.jpg "ხვიჩა ასე ნეაპოლის "ახალი მარადონა" გახდება - რა გველის სეზონის ბოლომდე და ზაფხულში?")
ფანტასტიკური ხვიჩას გოლი და ორი საგოლე პასი - "ნაპოლიმ" "იუვენტუსს" ფეხბურთის გაკვეთილი ჩაუტარა [VIDEO]![alt](/pictures/image50/b58ddcdf78620d994f6ef258cebf1400.png "ხვიჩა ასე ნეაპოლის "ახალი მარადონა" გახდება - რა გველის სეზონის ბოლომდე და ზაფხულში?")
როგორ ქმნის ხვიჩას "ნაპოლი" ვარსკვლავებს? - სატრანსფერო პარალელი
![alt](/pictures/image50/d97d786c19b5a548b88856191acb0112.png "ხვიჩა ასე ნეაპოლის "ახალი მარადონა" გახდება - რა გველის სეზონის ბოლომდე და ზაფხულში?")
კვარაცხელიასა და მამარდაშვილზე ბევრ ჭორ-მართალს წავიკითხავთ - სატრანსფერო ფანჯრის ამბები
ეს არის იმის კარგი მაგალითი, რომ EPL კლუბებზე პასუხისმგებელი პირები სრულიად უგუნურები არიან. იციან მაისურების გაყიდვით ფულის შოვნა, მაგრამ ფეხბურთი არ ესმით.
მიხვდნენ, შეცდომა დაუშვეს, როცა კვარაში 20 მილიონის გადახდაზე უარი თქვეს.
ამიტომ ახლა "მსგავსი" ნიჭის პოვნა "მსოფლიოს იმავე კუთხეში" უნდათ და იმდენს იხდიან, რამდენსაც "შახტარი" ითხოვს მუდრიკში.
მუდრიკი არ არის და არც არასდროს იქნება იმავე დონის ფეხბურთელი, როგორც ხვიჩა.
ხვიჩას არ გაუშვებს აურელიო. ხვიჩაც არ ეძებს ახალ გუნდს. ოსიმენის წასვლის შემდეგ უფრო გამოიკვეთება ხვიჩას ლიდერობა და უფრო კარგად ითამაშებს. ნაპოლი იდეალური გუნდია ჩვენთვის. ნაპოლისთან ერტად ყველაფერს მოიგებს ხვიჩა იტალიაში და ევროპაში. ამის შემდეგ ნაკრებსაც მაგრად გაუძღვება წინ.
წასვლას რაც შეეხება, ჯერ ჩემპიონობა, აუცილებლად, მერე რა თქმა უნდა ზემოთ და ზემოთ
სპალეტი ეშმაკობს. ამის ბევრი მიზეზი არსებობს. მაგალითად:
1. ოსიმენის გაყიდვას აპირებენ და რეკლამას უკეთებენ;
2. სხვა გუნდებმა მომდევნო თამაშებში რომ ხვიჩას ნაკლები მცველები დაუყენონ, ყურადღება ოსიმენზე გადააქვს.
2. თქვენ ფიქრობთ, მეტოქეები სპალეტის ნალაპარაკებზე აგებენ თავიანთ ტაქტიკას ნაპოლის წინააღმდეგ? :)
წელს ნაპოლი ჩემპიონი გახდება და ამაში ხელის შეშლა,მხოლოდ თვითონ ნაპოლის თუ შეუძლია.არა მგონია ასეთი რამე მოუვიდეთ.რამდენად ეცდებიან თასის აღებას,ეგ სპალეტიზეა დამოკიდებული.თუ ნახა,რომ გუნდს საამისო ფიზიკური და მორალური რესურსი ჰკმარა,ალბათ ბოლომდე ეცდებიან,თუ არადა როგორც გამოუვათ.ჩემპიონთა ლიგაზე ალბათ ყველაფერს დადებენ,მაგრამ გუნდს საამისო გამოცდილება არა აქვს და შესაძლოა ამან შეუშალოს ხელი,ლიგას ხომ განსხვავებული სპეციფიკა და მორალური დატვირთვა აქვს,რომლის გამოცდილება,დიდ გუნდებს ძალიან ეხმარება, ახლად აღზევებულებთან წარმატების მოპოვებაში.ამის უგულებელყოფა არ შეიძლება,თორემ ამჟამად,ნაპოლის დონეზე ვერავინ თამაშობს.წელს ასე,აი მომავალ სეზონში კი,თუ ნაპოლიმ შემადგენლობა შეინარჩუნა,უკვე ეს გამოცდილებაც მიღებული ექნებათ და ლიგის ფავორიტებიც იქნებიან.ამას კი ვამბობ და სწორიცაა,მაგრამ ნაპოლი ამ სეზონში ყოველგვარ კანონზომიერებას არღვევს და იქნებ ეგ ბოლოც დაარღვიოს.კაცი ხომ იმედით ცოცხლობს და ჩვენც ვიქონიოთ!
რა მაფიაა?-ს
ლიგაზე ნაპოლი წელსვე გაიწევს საკმაოდ ძლიერი სკამი აქვს. გრანდი რომ გახდეს 2-3 სეზონი საკმარისი არაა. მგონი ეს ქონდა მხედველობაში დელ პიეროს რომ თქვა რაღაც აკლია ნაპოლისო (გრანდი) იგივე სიტი აქამდე არასოდეს გრანდათ არ მოიაზრებოდა მარა შეიხებმა აქციეს. ნაპოლის შეიხები არ ყავს. ამიტომ მგონია ვერ შეძლებენ შემადგენლობის შენარცუნებას და ეს ზოგი უკვე განხორციელებული ტრანსფერებიდანაც ჩანს, რომ ემზადებიან ახლავე დანაკარგებისთვის. რა თქმა უნდა სჯობია ასეთ ნაპოლის შენარჩუნება და ჩვენი ბიჭის იქ თამაში, რადგან მშვენივრად მოერგო გუნდსაც და ზოგადად იტალიასაც მაგრამ ძალიან რთული იქნება ამ გუნდის შენარჩუნება. მე პირადად წელს მინიმუმ 1/2 ფინალში ველი ნაპოლის, რადგან ისევ კრეფენ ფორმას და ვინ იცის უკეთაც აკრიფონ.