საქართველოს ნაკრების 28 წლის თავდამსხმელმა ბუდუ ზივზივაძემ შეიძლება კარიერა პოლონეთის ექსტრაკლასას გუნდში გააგრძელოს.
mkszaglebie.pl-ის ცნობით, ზივზივაძის სამსახურით "ზაგლებიე" დაინტერესდა და ამჟამად მხარეებს შორის მოლაპარაკება მიმდინარეობს.
გასული წლის 11 ოქტომბერს "უიპეშტთან" ნამატჩევს მომხდარი ფაქტის შემდეგ ზივზივაძე დუბლებში გადაიყვანეს და მას გუნდის გამოცვლა უნდა. ბუდუს უნგრულ კლუბთან კონტრაქტი 30 ივნისამდე აქვს გაფორმებული.
რაც შეეხება "ზაგლებიეს" - 18-გუნდიან ჩემპიონატზე მე-15 ადგილზეა, ლიგაში დარჩენისთვის იბრძვის და ამ გუნდში გურამ გიორბელიძე და თორნიკე გაფრინდაშვილი თამაშობენ. ახლახან ლიუბინელებმა მწვრთნელი პიოტრ სტოკოვეცი გადააყენეს და მის ნაცვლად ვალდემარ
ფორლანიკი დანიშნეს, რომელმაც შემადგენლობის გაძლიერება მოითხოვა. იქიდან გამომდინარე, რომ ქართველი მალე თავისუფალი აგენტი გახდება, "ზაგლებიე" მის შეღავათიან ფასში შეძენას იმედოვნებს.
ბუდუს გასული წლის ზაფხულში პოლონური "შლიონსკი" ეპატიჟებოდა, თუმცა ტრანსფერი არ განხორციელდა.
ბუდუ ზივზივაძე "ფეჰერვარის" მეორე გუნდში დაშავდა და შესაძლოა, ოპერაცია დასჭირდეს
!["შენთანა ვარ, ნურაფრის ნუ გეშინია" - ზივზივაძემ საქართველოს ნაკრებში გადაღებული ფოტოს ისტორიები გაიხსენა და "ზღაპრის ბოლო კეთილია" შეასრულა [VIDEO]](/pictures/image7/4d64680208741297beef6615ad9f01d6.png "\"შენთანა ვარ, ნურაფრის ნუ გეშინია\" - ზივზივაძემ საქართველოს ნაკრებში გადაღებული ფოტოს ისტორიები გაიხსენა და \"ზღაპრის ბოლო კეთილია\" შეასრულა [VIDEO]")
