22 თებერვალს, ჩემპიონთა ლიგის მერვედფინალში, "ნაპოლი" "აინტრახტს" ესტუმრა და 2:0 დაამარცხა. აღნიშნულ მატჩში "პარტენოპეის" ქართველმა გარემარბმა ხვიჩა კვარაცხელიამ საგოლე პასი შეასრულა და გუნდის კაპიტან ჯოვანი დი ლორენცოს გაატანინა. იტალიური მედია "კვარას" თამაშით კიდევ ერთხელ აღფრთოვანდა. გთავაზობთ მათ კომენტარებს."პენალტის ეპიზოდში, რა თქმა უნდა, შეცდა, ხელიდან რამდენიმე კარგი შანსიც გაუშვა. თუმცა პასი, რომელიც დი ლორენცოს გაუკეთა, ამ ბიჭის გენიალურობის სიმპტომია. ის მაშინაც მოქმედებს, როცა არ მოქმედებს" - Eurosport-ი.
"პენალტი ვერ გაიტანა და ტრაპს პირისპირაც ვერ აჯობა, თუმცა ეს ყველაფერი სეზონში მე-13
"როგორც ჩანს, ისიც ადამიანია, თერთმეტმეტრიანი გააცუდა და ლოსანოს პასითაც ვერ ისარგებლა, მაგრამ დი ლორენცოზე ქუსლით გაკეთებული საგოლე გადაცემით ყველაფერი აანაზღაურა" - Goal-ი.
"მისთვის საუკეთესო საღამო არ ყოფილა, თუმცა დი ლორენცოზე გაკეთებული საგოლე პასი მართლაც მაგიური იყო" - Areanapoli.
"მიუხედავად უიღბლობისა, ქართველმა მაინც გაიბრწყინა. ხვიჩამ თერთმეტმეტრიანი ცუდად არ შეასრულა, დი ლორენცოზე გაკეთებული საგოლე პასი ფასეული და მნიშვნელოვანია" - Tuttonapoli.
"პენალტი და რამდენიმე კარგი მომენტი ვერ გამოიყენა, მაგრამ მეორე ტაიმში მისი დრო დადგა, ხვიჩას გაკეთებული საგოლე პასი მეოთხედფინალური ეტაპის ბილეთის საგზურია" - Calcionapoli1926.
შეგახსენებთ, მიმდინარე სეზონში ხვიჩა კვარაცხელიამ ჩემპიონთა ლიგაზე 6 მატჩი გამართა, თავი კი 2 გატანილი გოლითა და 4 საგოლე გადაცემით გამოიჩინა. "ნაპოლისა" და "აინტრახტის" განმეორებითი შეხვედრა 16 მარტს, თბილისის დროით 00:00 საათზე დაიწყება.
![alt](/pictures/image50/67ed9f3034ae769510cb05554f77d811.jpg ""მაშინაც მოქმედებს, როცა არ მოქმედებს" - როგორ აფასებს იტალიური მედია ხვიჩას თამაშს")
"ერთი გოლის გატანის შანსი კიდევ გვქონდა" - რა თქვა სპალეტიმ "აინტრახტთან" მატჩის შემდეგ
![alt](/pictures/image50/c2dca670fbc1ada7784e0825d400e4c6.jpg ""მაშინაც მოქმედებს, როცა არ მოქმედებს" - როგორ აფასებს იტალიური მედია ხვიჩას თამაშს")
რა შეფასება მიიღო ხვიჩა კვარაცხელიამ "აინტრახტთან" მატჩში
![alt](/pictures/image50/bfe6cefb30919b9421ca041c303d6297.jpg ""მაშინაც მოქმედებს, როცა არ მოქმედებს" - როგორ აფასებს იტალიური მედია ხვიჩას თამაშს")
კვარაცხელიას გამოუყენებელი პენალტი და დიდებული საგოლე გადაცემა - "ნაპოლიმ" მეოთხედფინალისკენ დიდი ნაბიჯი გადადგა [VIDEO]![alt](/pictures/image50/4b6f5973a9b197b74416211a065da09f.jpg ""მაშინაც მოქმედებს, როცა არ მოქმედებს" - როგორ აფასებს იტალიური მედია ხვიჩას თამაშს")
ხვიჩას ჩინებული ასისტი და "ნაპოლი" "აინტრახტს" 2:0-ს ამარცხებს [VIDEO]
