Calcionapoli წერს, რომ იტალიის სერია A-ს 24-ე ტურის მატჩში, სადაც "ნაპოლი" გასვლაზე "ემპოლის" უნდა დაუპირისპირდეს, შესაძლოა, "პარტენოპეის" მთავარმა მწვრთნელმა ლუჩანო სპალეტიმ ვიქტორ ოსიმენი დაასვენოს. წყაროს ცნობით, 63 წლის სპეციალისტი გეგმავს, რომ პირველად მიმდინარე სეზონში, ძირითად შემადგენლობაში ჯოვანი სიმეონე გაამწესოს და ამით ნიგერიელ თავდამსხმელს დასვენების საშუალება მისცეს.
Calcionapoli-სვე ინფორმაციით, სპალეტი ამ სიახლეზე ფიქრობს და გადაწყვეტილებას უშუალოდ მატჩის წინ მიიღებს.
შეგახსენებთ, რომ "ემპოლისა" და "ნაპოლის" შეხვედრა 25 თებერვალს, თბილისის დროით 21:00 საათზე დაიწყება.
