ხვიჩა კვარაცხელიამ საგოლე მოქმედებით თავი ვერ გამოიჩინა, თუმცა ორივე გოლი მისი აქტიურობის შედეგად გავიდა და თავისი გუნდის მორიგ გამარჯვებაში დიდი წვლილი შეიტანა.
მოლოდინისამებრ სტუმრები თავიდანვე დაეუფლენ ინიციატივას და დაწინაურდნენ კიდეც, როდესაც კვარაცხელიას ჩაწოდებული ბურთი ზილენსკიმ დაარტყა და ისმაილიმ ავტოგოლი გაიტანა. შემდეგ ხვიჩას დარტყმული ბურთი მეკარემ ვიკარიომ მოიგერია, დამატებაზე კი ყველას ოსიმენმა დაასწრო. ნეაპოლელებს მესამე გოლის გატანაც შეეძლოთ, მაგრამ კიმის თავური ძელმა უკუაგდო.
„ნაპოლი“ მეორე ტაიმის დასაწყისშიც განუწყვეტლივ უტევდა, ოსიმენის გოლი თამაშგარეს გამო არ ჩაითვალა, მერე მარიო რუი მსაჯმა უხეშობის გამო გააძევა და მწვრთნელმა სპალეტიმ შექმნილი ვითარებიდან გამომდინარე დაცვის გასაძლიერებლად ორმაგი ცვლილება განახორციელა - კვარაცხელიასა და ლოსანოს ნაცვლად მოედანზე ელმასი და ოლივეირა შეუშვა. დარჩენილ დროში ანგარიში არ შეიცვალა და "ნაპოლიმ" ზედიზედ მეშვიდე გამარჯვება საერთო ანგარიშით 16:1 მოიპოვა - ჩემპიონატზე ბოლო 20 მატჩიდან 19 მოიგო.
„ნაპოლი“ 65 ქულით ლიდერია, უახლოეს მდევარ „ინტერს“ 18 ქულით უსწრებს და 3 მარტს „ლაციოს“ უმასპინძლებს.
ემპოლი. „კარლო კასტელანი“
ემპოლი - ნაპოლი 0:2
გოლები: 0:1 ისმაილი (17, საკ. კარში), 0:2 ოსიმენი (28)
გაძევება: მარიო რუი (67)
სპალეტიმ ხვიჩას უსაყვედურა [VIDEO]
"გეტყვით, როგორ შევაჩერებთ "კვარას" - "ემპოლის" მცველი პირობას ვერ ასრულებს
კვლავ "კვარას" აქტიურობით, ოსიმენმა სხვაობა ორამდე გაზარდა [VIDEO]
კვარაცხელიას შესანიშნავი პასი და "ნაპოლი" დაწინაურდა [VIDEO]
სპალეტიმ მშვენივრად უწყის ხვიჩას გენიალური ნიჭიერების თაობაზე,ამიტომაც ცდილობს მის სრულყოფილებამდე აყვანას.დარწმუნებული ვარ, საჯაროდ შეგნებულად ხვიჩას ბოროტად შეურაცხყოფას ანაც აბუჩად აგდებას,ის არათუ გაბედავს,გულშიც კი არ გაივლებს.ამას გარდა,კი არის ხვიჩა ძალზედ მოკრძალებული და თავმდაბალი,მაგრამ ყველაფრიდან სჩანს,რომ საკუთარ ღირსებას ასე ადვილად არავის გაათელინებს.ის კარგად გრძნობს,სად გულიანი,საქმიანი შენიშვნაა და სად კიდევ სხვა რამ.ასე რომ, ვფიქრობ სანერვიულო არაფერი გვაქვს.ვისურვოთ ხვიჩას რკინისებური ჯანმრთელობა და მომავალი ბრწყინვალე თამაშები!