"დღეიდან ჩემზე დიდი გულშემატკივარი არ გეყოლება!" - სანაია კვარაცხელიას პოსტს ეხმაურება

ჟურნალისტი ვახო სანაია სოციალურ ქსელში ხვიჩა კვარაცხელიას პოსტს ეხმაურება.

როგორც იცით, "ნაპოლის" ქართველმა ვარსკვლავმა საქართველოში მიმდინარე მოვლენებსა და აქციებზე თავისი მოსაზრება დააფიქსირა. 

ინფორმაციისთვის, სა­ქარ­თვე­ლოს პარ­ლა­მენ­ტმა "უცხო­უ­რი გავ­ლე­ნის გამჭვირ­ვა­ლო­ბის შე­სა­ხებ“ კა­ნონპ­რო­ექტს პირ­ვე­ლი მოს­მე­ნით და­უ­ჭი­რა მხარი, რასაც მასობრივი საპროტესტო აქცია მოჰყვა.

"საქართველოს მომავალი ევროპაშია", - წერს კვარაცხელია სოციალურ ქსელში.

სანაიამ მისი პოსტი გააზიარა და დაწერა:

"ესეც ასე! ყოჩაღ! ჩემზე დიდი გულშემატკივარი შენ არ გეყოლება დღეიდან".

შეგახსენებთ, რომ "ნაპოლიში" გადასვლის შემდეგ ერთ-ერთ პრესკონფერენციაზე გაკეთებული კომენტარის გამო სანაია კვარაცხელიას მწვავედ აკრიტიკებდა და წერდა:

"ქართველს, ოკუპირებული ქვეყნის ეროვნული ნაკრების ფეხბურთელს, უკრაინაზე რომ გკითხავენ და იტყვი, პოლიტიკაში არ ვერევიო, ნაპოლიში კი არა, რეალში რომ ითამაშო, მაგრად მკიდია უკვე. ამის გამო ერთხელ კრიტიკული სტატუსი დავწერე. მერე ვიფიქრე, იქნებ ბათუმში გადასვლის შემდეგ მაინც თქვას-მეთქი რამე და ცოტა შევარბილე. ისევ ხმა არ ამოიღო. ახლა იტალიაშია, ჟურნალისტებმა შეკითხვა დაუსვეს და იქაც კრინტი ვერ დაძრა პუტინზე.

არ ვიცი, რა ვალდებულებები აქვს ასეთი რუსულ კლუბთან, მაგრამ მართლა ვერ ვუგულშემატკივრებ, სანამ

მკაფიო პოზიცია არ ექნება უკრაინაზე. ფეხბურთი ბოროტებაზე თვალის დახუჭვას არ ნიშნავს. ფეხბურთი პოლიტიკისგან არ იმიჯნება" - წერდა მაშინ სანაია.

ხვიჩა კვარაცხელია: საქართველოს მომავალი ევროპაშია