![](https://sportall.ge/pictures/image5/7bd749410adc4e0cbee05dc97371d8e5.jpg)
"კორიერე დელო სპორტი" იტყობინება, რომ "ნაპოლის" პრეზიდენტმა აურელიო დე ლაურენტისმა გუნდის მწვრთნელობის მთავარ კანდიდატ ლუის ენრიკეს თვითონ დაურეკა და უთხრა, რომ ვიქტორ ოსიმენის და ხვიჩა კვარაცხელიას გასხვისება არ უნდა და საერთოდ, შემადგენლობას შეინარჩუნებს, პირველ რიგში - "ოსის" და "კვარას", რომელიც გუშინ ჯიჯი დ'ალესიოს კონცერტზე პრეზიდენტთან ერთად მივიდა და აურელიოს შეუძლია ესპანელს სურათები გადაუგზავნოს, როგორც დასტური იმისა, რომ ხვიჩა ცისფერი ოცნების ნაწილია და მომავალ სეზონში ჩემპიონთა ლიგაზე მათ ღირსებას დაიცავს, რაც დასარწმუნებლად საკმარისი არგუმენტია.
როგორც ირკვევა, ლუის ენრიკეს გუნდში ქართველისა და
ნიგერიელის დატოვების გარანტია სჭირდება.
გამოცემის ცნობით, "ნაპოლი" ქართველს 2027 წლამდე მოქმედი ხელშეკრულების ერთი სეზონით გახანგრძლივებას და ხელფასის 1.4 მილიონი ევროდან 2.5 მილიონამდე გაზრდას (პლუს, ბონუსები) შესთავაზებს.
![Corriere dello sport: ლუის ენრიკემ "ნაპოლიში" კვარაცხელიას და ოსიმენის დატოვების გარანტიები მოითხოვა Sportall.Ge](/pictures/artimages/original/3eb77da5ce3f3bbff68a1f3043d76c68.jpg)
"ჯუნტოლიმ კვარაცხელია თავისი გასაოცარი ინტუიციით 11 მილიონად შეიძინა. მისი ფასი მუდმივად იზრდება და ახლა ოდენობა ძალიან ძნელი დასადგენია. რა თქმა უნდა, დე ლაურენტისისთვის ხვიჩას ღირებულება მინიმუმ 100 მილიონს შეადგენს, თანამშრომლობის გაგრძელებასთან დაკავშირებით არავითარი პრობლემა არ არსებობს და ჩანაფიქრი იმაში მდგომარეობს, აგენტ მამუკა ჯუღელთან პირველი შეხვედრის შემდეგ მოლაპარაკება განახლდეს", - აღნიშნულია სტატიაში.