ამ მომენტისთვის პირველ ადგილზე 75 ქულით "ჰავრია", მეორეზე 72 ქულით "მეცი", ხოლო 69 ქულით მესამეზე "ბორდო". ჯერ უცნობია, რა გადაწყვეტილებას მიიღებს საფრანგეთის ფეხბურთის ფედერაცია, თუმცა ჟირონდული გუნდისთვის საუკეთესო ვარიანტში, შეხვედრის გადათამაშების შემთხვევაში, იმისათვის, რათა „მეცს“ გადაასწროს, მინიმუმ 4 გოლით გამარჯვება სჭირდება. სავარაუდოდ, "ბორდოს" ტექნიკურ წაგებას ჩაუთვლიან.
შეგახსენებთ, ლიგა 1-ში პირველ და მეორე ადგილებზე გასულები გადადიან.
„მეცი“ დიდ უპირატესობას ფლობდა და 32-ე წუთზე საბალიმ დააწინაურა, რომლის საჯარიმოში ჩაწოდებულ ბურთს მიქაუტაძე ვერ შესწვდა და ვერც მეკარე. შესვენების შემდეგ მაზიზმა მეორედ დალაშქრა მეტოქის კარი. 68-ე წუთზე სტუმართა გუნდის მცველმა ბონერტმა თავურით ანგარიში შეამცირა. 75-ეზე მაზიზმა დუბლი შეასრულა. მიქაუტაძე 81-ე წუთზე შეცვალეს და ის 23 გოლით ჩემპიონატის ბომბარდირი გახდა. მის ანგარიშზე აგრეთვე 8 საგოლე გადაცემაა. 86-ე წუთზე შურმა ანგარიში შეამცირა, "მეცმა" გაიმარჯვა და მოედანზე გახარებული გულშემატკივრები გადავიდნენ.
![Sportall.Ge](/pictures/artimages/original/a2e68d3da7a8141cef518782af7f4af3.jpg "სრული ქაოსი: მიქაუტაძის "მეცმა" მოიგო, დავითაშვილის "ბორდოსა" და "ჰავრის" მატჩები შეწყდა - ვინ გადავიდა ლიგა 1-ში?")
„ბორდო“ განუწყვეტლივ უტევდა, გოლი კი სტუმრებმა გაიტანეს, რის შემდეგაც შეხვედრა იმის გამო შეწყდა, რომ გოლის ავტორ ბუადეს ტრიბუნებიდან ნასროლი საგანი თავში მოხვდა (ზოგიერთი მედიასაშუალება ამტკიცებს, რომ მოედანზე შევარდნილმა გულშემატკივარმა მიაყენა დაზიანება), გუნდები გასახდელში გავიდნენ და უკან აღარ დაბრუნებულან.
მეცი. „სენ-სიმფორიენი“
მეცი - ბასტია 3:2
გოლები: 1:0 საბალი (32), 2:0 მაზიზი (55), 2:1 ბონერტი (68), 3:1 მაზიზი (75), 3:2 შური (86)
ბორდო. „მატმიუტ-ატლანტიკი“
ბორდო - როდეზი
გოლი: 0:1 ბუადე (23)
![alt](/pictures/image50/7e1fa6677ad9c7e85ecf5cc06c397a52.jpg "სრული ქაოსი: მიქაუტაძის "მეცმა" მოიგო, დავითაშვილის "ბორდოსა" და "ჰავრის" მატჩები შეწყდა - ვინ გადავიდა ლიგა 1-ში?")
"კვარა", "მამარდა", ზურიკო, მიქაუტაძე - 21-წლამდელთა გაფართოებული შემადგენლობა ცნობილია
![მიქაუტაძეს ნავასმა არ გაატანინა - "მეცი" პსჟ-სთან დამარცხდა, მაგრამ ლიგა 1-ში დასარჩენად იბრძოლებს [VIDEO]](/pictures/image7/8d159bc6d23b884e1d3847c56a04ab36.jpg "მიქაუტაძეს ნავასმა არ გაატანინა - \"მეცი\" პსჟ-სთან დამარცხდა, მაგრამ ლიგა 1-ში დასარჩენად იბრძოლებს [VIDEO]")
![ბრდღვნიან ბიჭები ყველაფერს - დავითაშვილის გოლი და ორი საგოლე გადაცემა [VIDEO]](/pictures/image7/5d060351c587823e8dc87e59aafb1ce4.jpg "ბრდღვნიან ბიჭები ყველაფერს - დავითაშვილის გოლი და ორი საგოლე გადაცემა [VIDEO]")
