Skybet-მა, სტატისტიკის მიხედვით, პროცენტულად "ოქროს ბურთის" 2023 წლის ნომინანტთა ათეული დაასახელა. სიაში მოხვდა ხვიჩა კვარაცხელიაც, რომელსაც ქარიმ ბენზემას, მარკუს რაშფორდის, ლაუტარო მარტინესისა და ჰარი კეინის დარად, 1% არგუნეს და ეს ფეხბურთელები მე-6-მე-10 ადგილებზე იმყოფებიან.
რეიტინგს 48%-ით ლიონელ მესი ლიდერობს, 40% ერლინ ჰოლანს დაუწერეს, კევინ დე ბრუინს, ვინისუსსა და კილიან მბაპეს კი 2% აქვთ.
2023 წლის "ოქროს ბურთის" დაჯილდოება 30 ოქტომბერს პარიზში, შატელეტის თეატრში გაიმართება.
