"ნეფთჩის" მცველმა საბა კვირკველიამ azerisport-თან ინტერვიუში ქართული ფეხბურთის შესახებ ისაუბრა.
- საქართველოს ნაკრებებს საქმეები კარგად მისდით: ახალგაზრდული ევროს მეოთხედფინალში გავიდნენ, ეროვნული გუნდი ერთა ლიგის ნახევარფინალშია და ევრო 24-ის შესარჩევ ციკლში ურიგო სტარტი არ აუღია...
- რა თქმა უნდა, გულდასაწყვეტია, რომ "ახალგაზრდული" ნახევარფინალში ვერ გავიდა. კარგი შემადგენლობა ჰყავდათ, ფეხბურთელების 50% პირველი ნაკრებიდან, რომლებიც კარგ კლუბებში ასპარეზობენ. ისრაელთან სულ ცოტა დააკლდათ, როდესაც პენალტების სერიაში დამარცხდნენ. რაც შეეხება ეროვნულ გუნდს, ბევრი ტოპ-მოთამაშე გვყავს, განსაკუთრებით, შეტევაში; კარგი მწვრთნელი.
- თქვენ ევრო 24-ის ფინალურ სტადიაზე გასვლის
კარგი შანსები გაქვთ...
- გვინდა ჯგუფში მეორე ადგილი დავიკავოთ, მაგრამ ვიცით, ეს რთული იქნება. უფრო მეტად იმედებს ერთა ლიგაზე ვამყარებთ. ჩვენი ჯგუფი მოვიგეთ, ახლა ყაზახეთთან ნახევარფინალს ველით. თუ გავიმარჯვეთ, საბერძნეთი-თურქეთის წყვილში მოგებულს ვეთამაშებით. ერთი მატჩი იქნება და ყველაფერი შეიძლება მოხდეს. ძლიერი გუნდი გვყავს. შანსები არის.
- ქართული საკლუბო ფეხბურთი როდის აღორძინდება?
- ახლა ჩვენთან ურიგო ჩემპიონატი არაა, მეტ-ნაკლებად უკეთესი გახდა. ევროსთვის ახალი სტადიონები ააშენეს, კარგი ლეგიონერები ჩამოდიან. ჯერჯერობით წინსვლა ნაკრებებს ეტყობა, საკლუბო ფეხბურთის წინსვლასაც ველით.
"ბოლო 12 დღეში ძალას ჩემი ქვეყნის სიყვარული მაძლევდა" - ფეხბურთელების მატჩისშემდგომი კომენტარები Geo Team-თან
![კვირკველიამ საუდის არაბეთში გაიტანა და თავისი გუნდის გამარჯვებას საფუძველი ჩაუყარა [VIDEO]](/pictures/image7/509f841b83c3ff0a4a531b9d823f7689.jpg "კვირკველიამ საუდის არაბეთში გაიტანა და თავისი გუნდის გამარჯვებას საფუძველი ჩაუყარა [VIDEO]")
![კვირკველიას ავტოგოლი და საგოლე პასი "ალ აჰლის" წინააღმდეგ [VIDEO]](/pictures/image7/b25b6efb8f8e03d89ee8e7185572f0ae.jpg "კვირკველიას ავტოგოლი და საგოლე პასი \"ალ აჰლის\" წინააღმდეგ [VIDEO]")
ააშენეს თუ გაარემონტეს?