"ჩაკვეტაძემ კონტრაქტი რომ გააფორმა, რამდენიმე პრემიერლიგური კლუბიდან დაგვირეკეს, მოგვილოცეს და გვითხრეს, რომ... - ინტერვიუ გიორგის მენეჯერთან

"ლელომ" ექსკლუზიური ინტერვიუ ჩაწერა საქართველოს ნაკრების ყოფილ ფეხბურთელთან, ლაშა ჯაკობიასთან, რომელიც ამჟამად რამდენიმე ცნობილი ქართველის, მათ შორის, გიორგი ჩაკვეტაძის მენეჯერია. ჯაკობიამ არაერთ მნიშვნელოვან და საინტერესო თემაზე ისაუბრა.

- თავდაპირველად დავამშვიდოთ ქართველი გულშემატკივარი - ყველა ნიუანსი მოგვარებულია? გიორგი უკვე ოფიციალურად არის "უოტფორდის" ფეხბურთელი?

- შემიძლია სრული პასუხისმგებლობით გითხრათ, რომ ყველა სატრანსფერო დეტალი მოგვარებულია. გიორგი ჩაკვეტაძე "უოტფორდის" ფეხბურთელია და არანაირი ხელისშემშლელი პირობა არ არსებობს!

- საინტერესოა, როდიდან გააქტიურდა "უოტფორდი", როდის გამოჩნდა ეს ვარიანტი?

- სანაკრებო შეხვედრების შემდეგ გენტში ჩავედით. გიორგი "გენტში" ვარჯიშობდა ინდივიდუალურად, რადგან კონტრაქტით სწორედ ამ კლუბის საკუთრებაა. თანდათან გამოჩნდა რამდენიმე საინტერესო ვარიანტი. მათ შორის იყო ფრანგული "მეცი", ინგლისური ჩემპიონშიფის ერთ-ერთი ძალიან ძლიერი გუნდი, ბელგიური ჟუპილერლიგის კლუბები...

სწორედ ამ დროს გაჩნდა "უოტფორდის" ინტერესიც. საბოლოოდ, არჩევანი ამ კლუბზე შეჩერდა. ერთი კვირაა, რაც გიორგიმ ხელშეკრულებას მოაწერა ხელი. მართალია, ეს იჯარაა, მაგრამ "უოტფორდში" ძალიან ეიმედებათ ჩაკვეტაძის. კონტრაქტში გამოსყიდვის ოფციაც არის.

- როგორ მიიღეს ჩაკვეტაძე "უოტფორდში"?

- თავდაპირველად უნდა გითხრათ, რომ "უოტფორდს" ჯერ კიდევ სამი წლის წინ სურდა გიორგისთან თანამშრომლობა, მაგრამ მაშინ ეს ტრანსფერი არ შედგა... ვესაუბრეთ კლუბის მთავარ მწვრთნელს, ხელმძღვანელობას... ძალიან თბილად მიიღეს და იმედიანად არიან განწყობილი გიორგის მიმართ.

განაგრძეთ კითხვა