მიუხედავად მატჩისწინა სკანდალისა, ოსიმენი ნეაპოლური გუნდის სასტარტოში ვიხილეთ. მასპინძლებმა შეუტიეს. ზელინსკიმ ახლო მანძილიდან ააცილა კარს. კვარაცხელიას დარტყმულიც არაზუსტი იყო. შემდეგ ხვიჩა საჯარიმოში წააქციეს, მან ზიდიზედ მეორე შეხვედრაში მოიპოვა პენალტი და ზელინსკიმ გაიტანა. „ნაპოლიმ“ დიდი ძალებით დაიწყო მეტოქის კარზე იერიშების მიტანა და ალბათ, მიმდინარე სეზონში საუკეთესო თამაში აჩვენა. ისევ გაიჭრა კვარაცხელია, დაარტყა და მეკარე სილვესტრიმ არ დაანება გატანა. მერე „კვარამ“ მარიო რუი პირისპირ შეჰყარა სილვესტრის, თუმცა პორტუგალიელმა შანსი ვერ გამოიყენა. სამაგიეროდ, გატანის შესაძლებლობა ხელიდან არ გაუშვა ოსიმენმა და ანგარიში გაზარდა.
მეორე ტაიმში თამაშის სურათი არ შეიცვალა. „კვარამ“ ლამაზი ფინტებით დაგვამახსოვრა თავი, მერე ბურთი ორჯერ გაარტყა ძელს, მეურვეს ყვითელი ბარათი მიაღებინა, ხოლო 74-ე წუთზე მცველს ბურთი მოჰპარა, სილვესტრის გასცდა და 16 მარტის შემდეგ პირველად გაიტანა. 81-ე წუთზე სამარჯიჩმა საოცარი დრიბლინგი განახორციელა და სხვაობა შეამცირა. ცოტა ხანში კი ხვიჩა ფლანგზე გაიჭრა და სიმეონეს საგოლე პასი გაუკეთა. ქართველი 83-ე წუთზე შეცვალეს, გარსია გადაეხვია, ტიფოზებმა კი აპლოდისმენტებით გააცილეს.
„ნაპოლი“ 11 ქულით მეხუთე ადგილზეა და 30 სექტემბერს გასვლაზე „ლეჩეს“ დაუპირისპირდება.
ნეაპოლი. „დიეგო მარადონა“
ნაპოლი - უდინეზე 4:1
გოლები: 1:0 ზელინსკი (19, პენ), 2:0 ოსიმენი (39), 3:0 კვარაცხელია (74), 3:1 სამარჯიჩი (81), 4:1 სიმეონე (82)
მატჩის დღე - "ნაპოლიმ" წარუმატებელი სერია უნდა დაასრულოს!..
![ხვიჩას მესამე გოლი - "ნაპოლიმ" "მონცას" მოუგო და გალიდერდა [VIDEO]](/pictures/image7/7efc2016a6affac5702c79259af90b33.jpg "ხვიჩას მესამე გოლი - \"ნაპოლიმ\" \"მონცას\" მოუგო და გალიდერდა [VIDEO]")
![კვარაცხელიამ გაიტანა - "ნაპოლი" პირველი ტაიმის შემდეგ "მონცას" 2:0 ამარცხებს [VIDEO]](/pictures/image7/845f99dff1e3e20e89d199fa6d2c9012.jpg "კვარაცხელიამ გაიტანა - \"ნაპოლი\" პირველი ტაიმის შემდეგ \"მონცას\" 2:0 ამარცხებს [VIDEO]")
![ოსიმენმა "გალათასარაიში" სადებიუტო გოლი გაიტანა და ორიგინალურად აღნიშნა [VIDEO]](/pictures/image7/be0b35f999a0232ed0307647b35d0f5b.jpg "ოსიმენმა \"გალათასარაიში\" სადებიუტო გოლი გაიტანა და ორიგინალურად აღნიშნა [VIDEO]")
ბოლო ბოლო ვისთან გაილაღა დინეზესთან, სუსტი და ბოლოადგილოსანია.
რას იზამს ინტერთან და მილანთან ? რაც შარშან ქნა :))
საე რომ ნუ იჩქარებთ ჩარტერულ რეისებს :))