spazionapoli Il Mattino-ზე დაყრდნობით წერს, რომ "ნაპოლის" თავდამსხმელ ვიქტორ ოსიმენის წლიური ხელფასის კლუბისათვის სარეკორდო, 10 მილიონ ევრომდე გაზრდა (პლუს, ბონუსები) ხვიჩა კვარაცხელიას კონტრაქტის კორექტირებას მოითხოვს.
გამოცემა აღნიშნავს, რომ ზაფხულში გუნდი არათუ გაძლიერდა, არამედ კიმ მინ ჯე და ირვინ ლოსანო გაყიდეს, გასული სეზონის წარმატება წარსულს ჩაბარდა, გუნდის დიდებისგან ცოტა რამ ან საერთოდ არაფერიც არ დარჩა და კვარაცხელიას სირთულეები შეექმნა, რამეთუ მარგალიტი არადამაჯერებელია:
"ქართველის ფასეულობა და უნარები, რა თქმა უნდა, ეჭვს არ იწვევს, მაგრამ მისი შედეგიანობის შემცირება "ნაპოლის" პრობლემებს აღრმავებს. ხვიჩას კონტრაქტი
სეზონური 1.4-მილიონიანი გასამრჯელოთი 2027 წლის ზაფხულამდე აქვს გაფორმებული, თუმცა იქმნება შთაბეჭდილება, რომ ხელშეკრულების გაგრძელების შემთხვევაში, ანაზღაურების შეცვლაა საჭირო.
იმის გათვალისწინებით, რომ "კვარა" ნეაპოლურ კლუბთან ხანგრძლივვადიანი თანამშრომლობითაა დაკავშირებული, საკითხი საკმაოდ რთული და ჩახლართულია. Il Mattino-ს მტკიცებით, ფეხბურთელის გარემოცვის მიერ ხელფასის მომატების სურვილი ახალ ფორმას ოსიმენის გამო იძენს, რომელსაც ანაზღაურება მოუმატეს. "კვარას" აგენტები თავიანთი კლიენტისათვის პირობების მსგავსად გაუმჯობესებაზე ფიქრობენ. ეს მოთხოვნა კიდევ ერთი პრობლემა გახდება, რომლის გადაჭრასაც დე ლაურენტისი შეეცდება".
![alt](/pictures/image50/8c61c10e926cd8ec1153ea819d09b973.jpg ""ოსიმენისთვის ხელფასის გაზრდამ კვარაცხელიას გარემოცვისგან პირობების შეცვლის მოთხოვნა წარმოშვა" - იტალიური მედია")
"ნაპოლის" "კვარას" შემცვლელი უკვე ჰყავს, დე ლაურენტისმა პოლიტანო უნდა შეინარჩუნოს" - გუნდის ყოფილი ფორვარდი![alt](/pictures/image50/d2fc665a418284ae1eaf1d56af2a11ba.jpg ""ოსიმენისთვის ხელფასის გაზრდამ კვარაცხელიას გარემოცვისგან პირობების შეცვლის მოთხოვნა წარმოშვა" - იტალიური მედია")
"მისი ფასი დაეცა, მუდამ ერთსა და იმავეს აკეთებს ... მწვრთნელმა აუცილებლად უნდა უთხრას, რომ..." - Football Italia-მ ხვიჩა გააკრიტიკა
![ხვიჩა შეცვლაზე შევიდა - "ნაპოლიმ" "ჯენოას" სძლია [VIDEO]](/pictures/image7/8823115fa3399d5eb0e970d0eddb43b9.png "ხვიჩა შეცვლაზე შევიდა - \"ნაპოლიმ\" \"ჯენოას\" სძლია [VIDEO]")
