21 იანვარს, საქართველოს ფეხბურთის ფედერაციის პრეზიდენტმა, ლევან კობიაშვილმა და პირველმა ვიცე-პრეზიდენტმა კახა ჭუმბურიძემ, სოფელ სართიჭალაში ახალაშენებული სტადიონი დაათვალიერეს. სამუშაოების მიმდინარეობის პროცესს სახელმწიფო რწმუნებულთან ქვემო ქართლში, გიორგი დოხტურიშვილთან და გარდაბნის მუნიციპალიტეტის მერთან დავით კარგარეთელთან ერთად გაეცნენ. სართიჭალაში ცენტრალური სტადიონის ტერიტორიაზე ახალი, საერთაშორისო სტანდარტების შესაბამისი სტადიონის მშენებლობა 2022 წლის ივნისში დაიწყო. სამშენებლო პროცესი დასკვნით ფაზაშია, დასრულებულია მოედნის მშენებლობა და მიმდინარეობს გასახდელების შიდამოპირკეთების სამუშაოები.
სტადიონით სართიჭალის საფეხბურთო კლუბი „შტურმი“ ისარგებლებს, რომელიც მიმდინარე წელს კრისტალბეთ ეროვნულ ლიგა 2-ში დაწინაურდა. ამას გარდა, საფეხბურთო ინფრასქტურით სარგებლობას
ვიზიტისას ფეხბურთის ფედერაციის წარმომადგენლებს „შტურმის“ პირველი გუნდის ფეხბურთელები და აკადემიის აღსაზრდელები შეხვდნენ. ლევან კობიაშვილმა კიდევ ერთხელ მიულოცა მათ კრისტალბეთ ეროვნულ ლიგა 2-ში დაწინაურება და წარმატებები უსურვა ახალ სეზონში. ფეხბურთის ფედერაციისა და ადგილობრივი ხელისუფლების წარმომადგენლები აკადემიის აღსაზრდელების ვარჯიშს დაესწრნენ.
ლევან კობიაშვილი (სფფ-ის პრეზიდენტი): „ახალი საფეხბურთო ცენტრი ძალიან მნიშნელოვანი პროექტია, რომელიც საქართველოს ფეხბურთის ფედერაციისა და ადგილობრივი მუნიციპალიტეტის მიერ ერთობლივად განხორციელდა. პროექტის მშენებლობა დასკვნით ფაზაშია, დასრულებულია მოედნის მშენებლობა და ადგილობრივ კლუბსა და აკადემიის აღსაზრდელებს, უკვე აქვთ საშუალება ადგილზე ივარჯიშონ.
ამ ტერიტორიაზე რამდენიმე წლის წინ ვიყავი და ვნახე, თუ რა პირობებში თამაშობდა სართიჭალის „შტურმი“, რომელიც იმ პერიოდში დაბალ ლიგაში ასპარეზობდა. წელს კლუბს სპორტულად მაღალი მიღწევები აქვს და უკვე მეორე ლიგაში ასპარეზობს. წარმატებებს ვუსურვებ მათ ახალ სეზონში. ის ინფრასტრუქტურა, რომელიც აქ შეიქმნა, კიდევ ერთი მონაპოვარია ქართული ფეხბურთისთვის.
საფეხბურთო ინფრასტრუქტურის მშენებლობა ფეხბურთის ფედერაციის ერთ-ერთ უმთავრეს პრიორიტეტს წარმოადგენს და წლების განმავლობაში უკვე არაერთი მსგავსი პროექტი განვახორციელეთ როგორც ადგილობრივი მუნიციპალიტეტების, ცენტრალური ხელისუფლების, თუ ჩვენი საერთაშორისო პარტნიორების, ფიფასა და უეფას მხარდაჭერით.
მიხარია, რომ კიდევ ერთი ინფრასტრუქტურა შეემატა ჩვენ ქვეყანას, რომლითაც ისარგებლებენ, როგორც ბავშვები, ისე საფეხბურთო კლუბი „შტურმი“ და მინდა კიდევ ერთხელ წარმატება ვუსურვო კლუბს, რომელიც მაგალითია ბევრისთვის და განსაკუთრებით ამ ბავშვებისთვის - მათ ყველაზე დაბალი ლიგაში დაიწყეს ასპარეზობა და ხანმოკლე დროში შეძლეს მეორე ლიგაში დაწინაურება.
დარწმუნებული ვარ, მსგასვი პროექტების საშუალებით უფრო მეტ ბავშვს მიეცემა საშუალება ჩაერთოს ფეხბურთში და გავაძლიეროთ სპორტის ეს სახეობა ჩვენ ქვეყანაში".
პროექტი საქართველოს ფეხბურთის ფედერაციისა და გარდაბნის მუნიციპალიტეტის მერიის ერთობლივი დაფინანსებით განხორციელდა. საქართველოს ფეხბურთის ფედერაციამ უზრუნველყო მინდვრის საფუძვლის მოწყობა და საფარის დაგება. პროექტის ფარგლებში მოეწყო 530 მაყურებელზე გათვლილი ტრიბუნა, დამონტაჟდა თანამედროვე განათების სისტემა, ადმინისტრაციული შენობა გასახდელებით, საპარკინგე სივრცე და შენობა აღიჭურვა ყველა საჭირო ინვენტარით.
GFF.GE
2024 წლის საკლუბო სეზონი 1-ელ მარტს დაიწყება
