ლა ლიგის 28-ე ტურში „ვალენსიამ“ სახლში „ხეტაფე“ 1:0 დაამარცხა.
პირველ ტაიმში თამაში ლამაზი სანახავი არ იყო და მასპინძლები დურომ დააწინაურა. „ღამურების“ მეკარე გიორგი მამარდაშვილს სამუშაო თითქმის არ ჰქონდა, შესვენების შემდეგ კი მატას ორჯერ დარტყმული ბურთი მოიგერია, ბოლოს მარტინსაც არ გაატანინა და თავისი გუნდის გამარჯვებაში უმნიშვნელოვანესი წვლილი შეიტანა.
მამარდაშვილმა მიმდინარე ჩემპიონატზე 31 გოლი გაუშვა და კარი მშრალად 9-ჯერ შეინახა. გიორგიმ ანალიტიკური საიტებისგან ორივე გუნდიდან ყველაზე მაღალი შეფასებები დაიმსახურა: sofascore 8.1, flashscore 8.0, whoscored 7.9.
„ვალენსიას“ 1 მატჩით ნაკლები აქვს ჩატარებული, 40 ქულით მე-8 ადგილზეა, ევროტურნირებზე გასასვლელ ზონას 2 ქულა აშორებს და 17 მარტს გასვლაზე „ვილიარეალს“ დაუპირისპირდება.
ვალენსია. „მესტალია“
ვალენსია - ხეტაფე 1:0
გოლი: დურო (40)
"მსაჯმა ყველაფერი სამართლიანად გააკეთა, რაც შეეხება მამარდაშვილს..." - რა თქვა ბარახამ "რეალთან" მატჩის შემდეგ
