საფრანგეთის ჩემპიონატის 29-ე ტურში "მეცმა" სახლში "ლანსს" გიორგი მიქაუტაძის დუბლით 2:1 სძლია, ლიგა 1-ის საიტმა კი ქართველი მატჩის საუკეთესო ფეხბურთელად დაასახელა და გვირგვინით წარმოსახა.
განსაკუთრებით მოწონება პირველმა გოლმა დაიმსახურა და აღნიშნეს, რომ მიქაუტაძეს გამორჩეული საღამო ჰქონდა.
"ეკიპი" წერს, რომ გიორგი შეხვედრის საუკეთესო ფეხბურთელი იყო და თავის გუნდს ლიგა 1-ში ადგილის შენარჩუნების შანსი დაუტოვა:
"ფეთქებადი მიქაუტაძე ის მოთამაშეა, რომელსაც შეუძლია "მეცი" გავარდნისგან იხსნას. "აიაქსიდან" იჯარით დაბრუნების შემდეგ ის მაგალითის მიმცემია. "ლანსის" ოთხი მცველის ჩამოცილების შედეგად გატანილი გოლი მართლაც ფენომენალური იყო შესრულების
სიჩქარის, სიძლიერისა და ბურთის კუთხეში დარტყმით. შესვენებაზე გასვლის წინ ისევ იდეალურად გაიტანა. ბოლო 7 მატჩში "ჟორჟის" ანგარიშზე 7 გოლია, რაც მის კლასზე მეტყველებს".
OptaJean-ი ხაზს უსვამს, რომ ლიგა 1-ში "მეცის" ფეხბურთელებიდან ზედიზედ ორ მატჩში დუბლის შესრულება ბოლოს 1995 წლის იანვარში სირილ პუჟემ მოახერხა, ახლა კი ქართველმა შეძლო.
socios-fcmetz-მა მიქაუტაძის თამაში ასე შეაფასა: "ჩვენი მეფე ერთადერთი და განუმეორებელია".
![alt](/pictures/image50/570fbcb6188f3e2a38bc09ec84d184b8.jpg ""ფენომენალურმა მეფე "ჟორჟმა" შეიძლება "მეცი" გავადრნისგან იხსნას" - მიქაუტაძემ ფრანგები აღაფრთოვანა")
დუბლი ზედიზედ მეორე მატჩში - მიქაუტაძემ "მეცს" ნანატრი გამარჯვება მოუპოვა [VIDEO]
![დრამა. მიქაუტაძის გოლი - კაცნაკლული "მეცი" "სენტ-ეტიენთან" ფრეს დასჯერდა და ლიგა 2-ში გავარდა [VIDEO]](/pictures/image7/ab952266bea5f34896cda7b566647d81.jpg "დრამა. მიქაუტაძის გოლი - კაცნაკლული \"მეცი\" \"სენტ-ეტიენთან\" ფრეს დასჯერდა და ლიგა 2-ში გავარდა [VIDEO]")
![მიქაუტაძემ გაიტანა - კაცნაკლული "მეცი" "სენტ-ეტიენს" ამარცხებს [VIDEO]](/pictures/image7/0a9ff363dc2a24940656a873ffc7b258.jpg "მიქაუტაძემ გაიტანა - კაცნაკლული \"მეცი\" \"სენტ-ეტიენს\" ამარცხებს [VIDEO]")
![მიქაუტაძის "მეცი" პლეი-ოფის პირველ მატჩში "სენტ-ეტიენთან" 1:2 დამარცხდა [VIDEO]](/pictures/image7/f0b59580ac67fad2511d9929bd5eb1b7.jpg "მიქაუტაძის \"მეცი\" პლეი-ოფის პირველ მატჩში \"სენტ-ეტიენთან\" 1:2 დამარცხდა [VIDEO]")
