Il Mattino-ს მტკიცებით, "ნაპოლის" გარემარბის, ხვიჩა კვარაცხელიას აგენტი მამუკა ჯუღელი კლუბის პრეზიდენტ აურელიო დე ლაურენტისს შეხვდა.
გამოცემა წერს, რომ საუბარი, რა თქმა უნდა, კვარაცხელიას კონტრაქტის გაუმჯობესებული პირობებით გაგრძელებას შეეხო, უფრო "დაზვერვითი ხასიათის" იყო, მალე კონკრეტიკაზე ვიწრო წრეში იმსჯელებენ და იმედია, ეს მკლავჭიდს არ დაემსგავსება.
ხაზგასმულია, რომ გუნდის ერთ-ერთი ძვირფასი ფეხბურთელის ანაზღაურება დაბალია. აგენტი თავისი კლიენტისთვის იმის მსგავს ან მიახლოებულ ხელფასს ითხოვს, რასაც ვიქტორ ოსიმენი ხელშეკრულების გაგრძელებამდე იღებდა - დაახლოებით 5 მილიონ ევროს.
თუმცა დე ლაურენტისი თანახმაა, გასამრჯელო მხოლოდ 3.5 მილიონამდე
გაუზარდოს, რაც სახელფასო "ჭერია", მით უმეტეს, იმის გათვალისწინებით, რომ მომავალ სეზონში ჩემპიონთა ლიგის გარეშე დარჩენის გამო კლუბის შემოსავალი შემცირდება; ხვიჩას მიმართ "ბარსელონას" ინტერესი აფრთხობთ, თან ინტერესს "ბაიერნი" და "დორტმუნდი" ამჟღავნებენ.
მომავალ შეხვედრაზე მხარეები აგრეთვე ბონუსების საკითხს განიხილავენ.
ცნობილია იმ 5 ქართველი ტალანტის ვინაობა, რომლებსაც "ნაპოლი" აკვირდება - ჯუღელისა და დე ლაურენტისის შეხვედრა ბევრს გაარკვევს
ჯუღელი ნეაპოლშია - იტალიური მედია კვარაცხელიას თაობაზე ახალ ინფორმაციას ავრცელებს
