ჩემპიონთა ლიგის საკვალიფიკაციო ეტაპის პლეი-ოფის პირველ მატჩში „სლოვანი“ დანიაში „მიდტიულანდს“ დაუზავდა - 1:1.თავიდან მასპინძლები სრულ ტერიტორიულ და სათამაშო უპირატესობას ფლობდნენ, ბევრს უტევდნენ და მომენტებიც შექმნეს: ბუკსას ბოლო მომენტში ვარდნაში ბურთი კაშიამ აართვა, რომელიც მთელი 90 წუთის განმავლობაში ჩინებულად გაისარჯა და თავისი გუნდი აშკარა გოლისგან იხსნა; ოსორიომ ბურთი ძელს გაარტყა; ბურთი საკუთარ საჯარიმოში ხელზე „სლოვანის“ თავდამსხმელ ზებერუს მოხვდა, მაგრამ მსაჯმა პენალტი არ დანიშნა. შუა პირველ ტაიმში თამაში გათანაბრდა, ვაისის შეგირდებმა მეტოქის ნახევარზე აიწიეს და სტრელეცს გატანა მეკარე ოლაფსონმა არ დაანება. ისევ
გადავიდა იერიშებზე დანიური გუნდი, ოსორიოს ჩინებული შანსი მიეცა, თუმცა მის მიერ დარტყმული ბურთი მეკარე ტაკაჩმა მოიგერია.
![Sportall.Ge](/pictures/artimages/original/bdfd28305c21437f07c7f7407413f823.jpg "კაშიას კარგი მატჩი, "სლოვანის" ფრე "მიდტიულანდთან" და ერთი ნაბიჯი ჩემპიონთა ლიგამდე")
59-ე წუთზე ბლეკმანმა ბარსეგიანის ქუსლით გაკეთებული პასი მიიღო, საჯარიმოში შეიჭრა და „სლოვანი“ დააწინაურა. „მიდტიულანდს“ მალევე შეეძლო ანგარიშის გათანაბრება, მაგრამ ჯუს დარტყმული ბურთი ძელს მოხვდა. თუმცა, ცოტა ხანში ტაკაჩის კარი ჩილუფიამ დალაშქრა. მერე ჩიმშირის დარტყმული ბურთი ტაკაჩმა საოცარ ნახტომში მოიგერია და საბოლოოდ ფრე დაფიქსირდა.
საპასუხო შეხვედრა 28 აგვისტოს ჩატარდება და გამარჯვების შემთხვევაში "სლოვანი" ჩემპიონთა ლიგის ჯგუფურ ეტაპზე გავა.
ჰერნინგი. „MCH არენა“
მიდტიულანდი - სლოვანი 1:1
გოლები: 0:1 ბლეკმანი (59), 1:1 ჩილუფია (79
ჩემპიონთა ლიგის ახალი ფორმატი, ორი გარანტირებული ადგილი ქართველებს და მესამის შანსი...
![გამორჩეული ოდიშიარია და "რიგასის" საპატიო ფრე "ანდერლეხტთან" [VIDEO]](/pictures/image7/3730e9823073b388ae01bf5f8e313092.jpg "გამორჩეული ოდიშიარია და \"რიგასის\" საპატიო ფრე \"ანდერლეხტთან\" [VIDEO]")
![ჩემპიონთა ლიგა. III ტური: "რეალის" დიდებული ქამბექი და ქართველების გუნდების მორიგი წაგებები [VIDEO]](/pictures/image7/85f031dd491ca88e3b38145aab7d675a.jpeg "ჩემპიონთა ლიგა. III ტური: \"რეალის\" დიდებული ქამბექი და ქართველების გუნდების მორიგი წაგებები [VIDEO]")
