SKY-ს სატრანსფერო ექსპერტი ჯანლუკა დი მარციო ირწმუნება, რომ "ნაპოლის" თავდამსხმელი ვიქტორ ოსიმენი უგუნდოდ არ დარჩება და "გალათასარაიში" გადავა.
დი მარციოს მტკიცებით, ნეაპოლური კლუბის პრეზიდენტი აურელიო დე ლაურენტისი "გალათასარაის" შეთავაზებულ პირობებზე დათანხმდა, მხარეები ბოლო დეტალებს აზუსტებენ და ოსიმენი სტამბოლში მალე გადაბარგდება.
ნიგერიელი იჯარის წესით, გამოსყიდვის უფლების გარეშე გადავა და ხელფასს, 11 მილიონ ევროს სრულად "გალათასარაი" გადაუხდის. თურქეთში სატრანსფერო ფანჯარა 13 სექტემბრამდე გრძელდება და სტამბოლური გუნდი ვიქტორის დამატებას თავისუფლად მოასწრებს.
"გალათასარაი" 3-5-2 ტაქტიკით ითამაშებს, ოსიმენი კი შეტევაში მაურო იკარდისთან ერთად გაირჯება, რომელიც ამჟამად ტრავმირებულია და
დაახლოებით ერთ თვეში ჩადგება მწყობრში.
ოსიმენის ამბავი "ნაპოლის" სპორტულმა დირექტორმა ჯოვანი მანამ დაადასტურა, ოღონდ ვიდრე გაუშვებენ, ფეხბურთელისგან კონტრაქტის 2027 წლის ზაფხულმდე გაგრძელებას მოითხოვენ.
დე ლაურენტისს იმედი აქვს, რომ ოსიმენი დღეს გაიყიდება - "ნაპოლის" პრეზიდენტმა ნიგერიელის ფასი დაასახელა
ახალი გამოსასყიდი თანხა არის 75 მილიონი ევრო.