Საქართველოს ნაკრების ცენტრალური მცველი ლაშა დვალი, "აპოელთან" ერთად, კვიპროსის სუპერთასის გამარჯვებული გახდა. ჩვენებურის გუნდმა "პაფოსს" განელი ნახევარმცველის კინგსლი სარფოს პირველსავე წუთზე გატანილი ერთადერთი გოლით სძლია. ქართველი ფეხბურთელი მოედანზე 66-ე წუთზე რადოსავ პეტროვიჩის ნაცვლად შევიდა და თავის გუნდს ბოლო 25 წუთში დაეხმარა.
"აპოელი" კვიპროსის ჩემპიონატში 9 ქულით მე-3 ადგილზე იმყოფება და პირველადგილოსან "პაფოსს", რომელიც სუპერთასის ფინალში დაამარცხა, 3 ქულით ჩამორჩება.
შეგახსენებთ, რომ გასულ სეზონში დვალი "აპოელთან" ერთად კვიპროსის ჩემპიონატის გამარჯვებულიც გახდა.
სპეციალურად საიტისთვის მოამზადა გიორგი ყარმაზანაშვილმა
