დღეს, სერია A-ს მერვე ტურში "ნაპოლი" გასვლაზე "ემპოლის" დაუპირისპირდება. მასპინძელთა გუნდის ძირითად შემადგენლობაში უეჭველი იქნება საბა გოგლიჩიძე. რაც შეეხება ხვიჩა კვარაცხელიას, როგორც ჩანს, მასზე ზეწოლას იმის გამო ახორციელებენ, რომ კონტრაქტს არ ახანგრძლივებს და დავიდ ნერესის სახით ალტერნატივა უბრალოდ მოუგონეს, ზეწოლისათვის პრობლემა ხელოვნურად შეუქმნეს.
Rai-ს ჟურნალისტმა ენრიკო ვარიალემ განაცხადა, რომ საქმე ხელშეკრულების განახლებაშია, საკითხი კლუბს სეზონის დაწყებამდე უნდა მოეგვარებინა, ნერესი კარგი ფეხბურთელია, მაგრამ კონტე არასოდეს არ დათმობს ქართველს. ვარიალეს მოსაზრებას იზიარებს მისი კოლეგა ჩიჩო მაროლდა, რომლის თქმით, ეს ყველაფერი თანამშრომლობის გაგრძელებასთანაა დაკავშირებული, რამეთუ
ხვიჩას აგრძნობინეს, რომ თუ წინადადებას არ დათანხმდება, მისი მზა შემცვლელი ჰყავთ, წლიურ ხელფასზე 6-მილიონიანი შეთავაზება ურიგო არ არის, თუმცა თუ აგენტს სხვა კლუბი უკეთეს პირობებს სთავაზობს, ეს სულ სხვა საკითხია.
"ნაპოლის" პრეზიდენტ აურელიო დე ლაურენტისთან დაახლოებული ჟურნალისტი კარლო ალვინო ირწმუნება, რომ კონტე "კვარას" სასტარტოში დააყენებს, საუკეთესო ფორმაში არ არის და მიუხედავად ამისა, ყველას პასუხი მოედნიდან უნდა გასცეს. Spazionapoli აღნიშნავს, რომ საქართველოს ნაკრებიდან კვარაცხელია კარგ ფიზიკურ ფორმაში არ დაბრუნდა, მაგრამ მაინც პირველივე წუთიდან დაიწყებს თამაშს.
Sky Sport-ი "ნაპოლის" ძირითად შემადგენლობას ასახელებს: კაპრილე, დი ლორენცო, რაჰმანი, ბონჯორნო, სპინაცოლა, ანგისა, გილმორი, მაკტომინეი, პოლიტანო, კვარაცხელია, ლუკაკუ.
ერთი სიტყვით, "ნაპოლის" და განსაკუთრებით ხვიჩას დღეს სერიოზული გამოცდა ელით გუნდთან, რომელიც დაცვითი ხაზით, თამაშის ორგანიზაციითა და პრაგმატიზმითაა გამორჩეული. ისიც ნუ დაგვავიწყდება, რომ გასულ სეზონში "ემპოლიმ" ჩემპიონატზე "ნაპოლის" ორივე მატჩი მოუგო.
შეხვედრა "კარლო კასტელანიზე" თბილისის დროით 14:30 საათზე დაიწყება.
![alt](/pictures/image50/20787f850e7b084a399213906477b908.jpg "დიდი ზეწოლა ხვიჩაზე - როგორი იქნება "ემპოლისთან" "ნაპოლის" სასტარტო შემადგენლობა?")
კვარაცხელია თუ ნერეში ძირითადში - კონტემ "ემპოლისთან" მატჩისთვის საბოლოო გადაწყვეტილება მიიღო
![კვარაცხელიას გოლით "ნაპოლიმ" "ემპოლის" სძლია [VIDEO]](/pictures/image7/83650c7367cad3a11b9236b5a719ad51.jpg "კვარაცხელიას გოლით \"ნაპოლიმ\" \"ემპოლის\" სძლია [VIDEO]")
![სრული სიგიჟე - ოსიმენის ზღაპრული სილამაზის გოლი თურქეთის ჩემპიონატში [VIDEO]](/pictures/image7/6c0eb6322697c6ba86c9ff1ee6fc6b74.png "სრული სიგიჟე - ოსიმენის ზღაპრული სილამაზის გოლი თურქეთის ჩემპიონატში [VIDEO]")
...ზეწოლების გამოყენებით.