„ნაპოლიმ“ ძალიან ულამაზო და შედეგზე ორიენტირებული თამაშით „სან სიროზე“ ორ მატჩში ოთხი ქულა მოიპოვა გუნდებთან, რომლებმაც ჩემპიონთა ლიგაზე შთამბეჭდავი გამარჯვებები იზეიმეს. ჟურნალისტი პაოლო ბარჯიჯა „ტვიტერზე“ წერს, რომ ნეაპოლური გუნდი ჯერ კიდევ ლიდერია, მაგრამ იტალიაში ყველაზე უშნო ფეხბურთს თამაშობს, სტრატეგია მხოლოდ კონტრიერიშებზეა აგებული, „კვარა“ და პოლიტანო მძიმე სიტუაციაში იმყოფებიან, რამეთუ იძულებული არიან განაპირა მცველების პოზიციაზე იმოქმედონ.„ნაპოლის“ მწვრთნელმა ანტონიო კონტემ ფეხბურთელები შეაქო და თქვა, რომ ისინი პროგრესირებენ, მსაჯმა მათ კარში არარსებული პენალტი დანიშნა და გაუგებარია VAR-ის დამოკიდებულება, ვინაიდან ესაა არბიტრების შეცდომების
საფეხბურთო მიმომხილველის ენრიკო ფედელეს აზრით, რომელმაც შეხვედრის წინ კონტეს ლუკაკუსა და კვარაცხელიას 15 მეტრით წინ წაწევა ურჩია, ანგისამ ტიურამი წააქცია, თერთმეტმეტრიანი სწორად დაინიშნა და კონტეს რატომღაც პროტესტი არ გამოუთქვამს, როდესაც არბიტრმა მათთვის სასარგებლო გადაწყვეტილება „ემპოლისთან“ დაპირისპირებისას მიიღო.
Areanapoli ყურადღებას ამახვილებს იმ ფაქტზე, რომ „ინტერის“ თავკაცი სიმონე ინძაგი პირველ ტაიმში ხვიჩას აქტიურობისას ლამის მოედანზე შევარდა და დენზელ დუმფრისსა და ბენჟამენ პავარს ქართველის უფრო აგრესიულად მეურვეობას ყვირილით მოუწოდებდა. ნიშანდობლივია, რომ კონტემ წინა მატჩებისგან განსხვავებით კვარაცხელია არ შეცვალა და მოედანზე მის ნაცვლად დავიდ ნერესი არ შეუშვა.
ერთი სიტყვით, „ნაპოლი“ ჯერჯერობით ჯახირით წინ მიიწევს და ისმის კითხვა - სადამდე მოახერხებს ამას?
"თუ ვინმე მოგებას იმსახურებდა, ეს ინტერი იყო" - სიმონე ინძაგი "ნაპოლისთან" მატჩის შემდეგ
"კვარაცხელიამ "ნაპოლის" საჯარიმოში უფრო დიდი დრო გაატარა, ვიდრე მეტოქის მხარეს" - იტალიის ნაკრების ყოფილმა მცველმა "ინტერისა" და "პარტენოპეის" შეხვედრა შეაფასა
![გაირკვა რატომ შეუერთდა კვარაცხელია ნაკრებს მოგვიანებით [PHOTO]](/pictures/image7/b6f086b95c3669072d4b1c832717b1f6.jpg "გაირკვა რატომ შეუერთდა კვარაცხელია ნაკრებს მოგვიანებით [PHOTO]")
