"ტორინოსთან" მატჩის შემდეგ იტალიური მედია ხვიჩა კვარაცხელიას აქებს, წერენ, რომ ისევ თავის დონეზე იასპარეზა, თამაშს მუდმივად ამწვავებდა და სკოტ მაკტომინეის მიერ გატანილ გოლში მისი წვლილი დიდია. თუმცა, კვარაცხელია მომდევნო შეხვედრაში, ალბათ, ძირითად შემადგენლობაში არ იქნება.
"ნაპოლის" "ლაციოსთან" ზედიზედ ორი დაპირისპირება ელის - 6 დეკემბერს თასის 1/8-ფინალში რომში და 8 დეკემბერს სერია A-ს მეთხუთმეტე ტურში სახლში. მწვრთნელმა ანტონიო კონტემ პრესკონფერენციაზე განაცხადა, რომ როტაციას მიმართავს და "ოლიმპიკოზე" განსხვავებულ სასტარტო შემადგენლობას გაიყვანს.
Tuttonapoli-ს ცნობით, კონტე რამდენიმე ფეხბურთელს და მათ შორის კვარაცხელიას დაასვენებს (საჭიროების შემთხვევაში
შეცვლაზე შეუშვებს), რათა "დიეგო მარადონაზე" მატჩისათვის ისინი უკეთეს მზადყოფნაში იყვნენ.
ნეაპოლური გუნდის სავრაუდო შემადგენლობა "ლაციოსთან" პირველ შეხვედრაში: კაპრილე, დი ლორენცო, რაფა მარინი, ბონჯორნო, სპინაცოლა, ფოლორუნშო, გილმორი, მაკტომინეი, ნგონჟი, სიმეონე, ნერესი.
![alt](/pictures/image50/2e1dabcc4aa72941c84a3b7ed66a5a57.jpg "კონტე კვარაცხელიას "ლაციოსთან" პირველ მატჩში არ ათამაშებს?")
"ხვიჩა ჩემი ძმაა, საფრანგეთში გადმოსვლა მისთვის კარგი იქნება" - განაცხადა დავითაშვილმა Le Parisien-თან ინტერვიუში![alt](/pictures/image50/efa97119e15d3bc376ebfdd3b0a38b36.png "კონტე კვარაცხელიას "ლაციოსთან" პირველ მატჩში არ ათამაშებს?")
"ეს პერსონალურ დონეზეც სარგებელს მოუტანს" - რა თქვა კონტემ კვარაცხელიაზე?![alt](/pictures/image50/c315cee76f833a2013a41f3468b53f2b.jpg "კონტე კვარაცხელიას "ლაციოსთან" პირველ მატჩში არ ათამაშებს?")
კვარაცხელია ახალ წელს ლიდერად შეხვდება? - ყველაფერი, რასაც დეკემბერში ვნახავთ
