რუმინელი სპეციალისტი მირჩა ლუჩესკუ თურქეთის ნაკრების თავკაცი გახდა. გუშინ მან თურქეთის ფეხბურთის ფედერაციასთან წარმატებით დაასრულა მოლაპარაკება და იგი უახლოეს ხანებში ოფიციალურად შეცვლის ფათიჰ თერიმს.ლუჩესკუ თურქეთს კარგად იცნობს - მას უმუშავია "გალათასარაისა" და "ბეშიქთაშში", თუმცა ყველაზე დიდხანს იგი სათავეში "შახტარს" ედგა - 12 წელი.
"თურქი ხალხის სიყვარულს ვგრძნობ. ასეთი რამ არსად მიგრძვნია. ევროპაშიც კი, თუ მაჩერებენ ფანები, უკვე ვიცი, რომ თურქები არიან", - განაცხადა 72 წლის სპეციალისტმა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
